දිවුලපිටිය පොලිසිය තවත් අහිංසකයෙකු මරා දමයි.
  
Share |   




මිනුවන්ගොඩ ප්‍රදේශයේ පදිංචි ගාමිණී එඩ්වඩ් නමැති 50 හැවිරිදි පුද්ගලයෙකු දිවූලපිටිය පොලිස් අත්අඩංගුවේ සිටියදී ඇතිවූ පහරදීම් හේතුවෙන් අසාධ්‍යවී මරණයට පත්වී තිබේ.එම පුද්ගලයා ධනවත් නිවසක මුරකරුවෙකු ලෙස රැකියාව කළ අයෙකු වන අතර ඔහු සේවය කළ නිවසේ වටිනා භාණ්ඩ අතුරුදන්වීමේ සිද්ධියක් මත අදාළ ගෙහිමි කාන්තාව පොලිසියට පැමිණිලි කර කියා ඇත්තේ සොරකම සම්බන්ධයෙන් මුරකරු සැක බවයි.

මේ සැකය මත දිවුලපිටිය පොලිසිය ගාමිණී එඩ්වඩ්ගේ නිවසට පැමිණ ඔහු අල්ලාගෙන තිබෙන අතර, ඔහුට වරද පිළිගන්නා ලෙස බල කර ඇත. තමන් නොකළ වරදකට ගෑවෙන්නට බැරි බව කියමින් ඔහු එය ප්‍රතික්ෂේප කළ පසුත් ඔහු අත්අඩංගුවට ගෙන තිබෙන පොලිස් නිලධාරීන් පසුව ඔහු රිමාන්ඩ් භාරයේ තබමින් වරින්වර පහරදී වරද පිළිගන්නා ලෙස බල කර ඇති බව වාර්තාවේ.

2 වෙනිදා ඔහුව අත්අඩංගුවට ගෙන 3 වැනි දා මිනුවන්ගොඩ මහේස්ත්‍රාත් අධිකරණයට ඉදිරිපත් කිරීමෙන් පසු ලබන 10 වැනි දා තෙක් ඔහු රක්ෂිත බන්ධනාගාර ගත කරන්නට අධිකරණය නියම කර තිබී ඇති අතර ඉන්පසුව ඔහු පහරදීම් තුවාල නිසා අසාධ්‍යවී රෝහල්ගතවීමෙන් පසු මරණය සිදුව ඇත.

ඔහු උසාවියට ඉදිරිපත් කළ අවස්ථාවේ ඔහු වෙනුවෙන් පෙනී සිටි නීතිඥයින්ද ඔහුට පහරදීම් සිදුවී ඇති බව විනිසුරුට දන්වා තිබී ඇත. මෙම සිදුවීමෙන් පසු  දිවුලපිටිය පොලිසියට එරෙහිව මහජන විරෝධය පළවී තිබේ.මේ අතර වාරයේ එහි අපරාධ අංශයේ ස්ථානාධිපතිවරයා ඇතුළු තිදෙනෙකු මාරු කිරීමට බස්නාහිර පළාත් භාර නියෝජ්‍ය පොලිස්පති නියෝග කර ඇත.

මියගිය ගාමිණි මුලින්ම බන්ධනාගාර රෝහලට ඇතුළත් කර ප්‍රතිකාර කර ඇති නමුත් තත්ත්වය යහපත් නොවන බැවින් ඔහු වහා මීගමුව රෝහලට ඇතුළත් කරන ලෙස බන්ධනාගාර වෛද්‍යවරයා නිර්දේශ කර තිබූ බවත් ඒ අනුව මීගමුව රෝහලට ඇතුළත් කරන්නට උත්සාහ කළත් ඒවනවිටත් ඔහු මියගොස් සිටි බව මීගමුව රෝහල් ආරංචි මාර්ග කියයි. මරණයට පත්වූ  පුද්ගලයාගේ දියණිය සඳහන් කරන්නේ නොකළ වරදක් පිළිගන්නා ලෙස බල කරමින් පොලිසිය පහරදුන් බව මියයාමට පෙර තම පියා ප්‍රකාශ කල බවයි.



Posted Date :

2017-10-06


  
  Latest Video
  Other Videos
  More Videos
  Find us on facebook
  Archives
   2007
   2008
   2009
   2010
   2011
   2012
   2013
   2014
   2015
   2016
   2017
  Latest visitors