More News
MORE NEWS
කිරිඳීවැල පොලීසියේ නිළධාරීන් දෙදෙනා තවදුරටත් රක්ෂිත බන්ධනාගාරයට
කිරිදිවැල පොලීසිය විසින් අත්අඩංගුවට ගැනීමෙන් පසු මියගිය ඬේවිඞ් අමරසිංහගේ මරණය සම්බන්ධයෙන් කිරිඳිවැල පොලීසියේ උපපොලිස් පරීක්ෂක w.s කුලසුරීය හා කොස්තාපල් ලක්ෂ්මන්ද සිල්වා ට එරෙහිව පවත්නා නඩුව අද දිනයේ පූගොඩ මහේස්ත‍්‍රාත් සහ අතිරේක දිසා විනිසුරු අරවින්ද පෙරේරා මහතා ඉදිරියේ පූගොඩ මහේස්ත‍්‍රාස් අධිකරණයේදී විභාගයට ගැනුණි. අද දිනයේද එම මරණය සම්බන්ධයෙන් වැඩිදුර සාක්ෂි විභාගයට ගැණුනු අතර එක් සාක්ෂිකාරියක් සහ සාක්ෂිකරුවන් තිදෙනෙක් තම සාක්ෂි අධිකරණයට ඉදිරිපත් කරන ලදී. මෙම මරණය සම්බන්ධයෙන් වැඩිදුර විභාගය ජුනි මස 16 වන දින දක්වා කල් තැබු අතර එතෙක් චූදිත පොලිස් නිළධාරීන් රක්ෂිත බන්ධනාගාර ගත කරන ලෙද නියෝග කරන ලදී.
Read More >> (2011-06-02)
කටුනායක පොලිස් ප්‍රහාරයට එරෙහිව රට පුරා උද්ඝෝෂණ.
පසුගිය මැයි 30 වෙනිදා කටුනායක නිදහස් වෙළඳ කළාපයේ පැවති උද්ඝෝෂනයට එල්ල කළ පොලිස් පහර දීමට විරෝධතාවය පල කරමින් උද්ඝෝෂන රැල්ලක් රට පුරා පැන නගිමින් පවති. මෙම පහර දීමට විරෝධය පා බියගම නිදහස් වෙළඳ කළාපයේ සේවකයින් ඊයේ කෑම පැය තුල උද්ඝෝෂණයක යෙදුන අතර කොටදෙනියාව දියගම්පොල ස්මාර්ට් ෂර්ට් ආයතනයේ සේවකයින් 600ට වඩා පිරිසක් පෙළපාලියකින් ගමන් කරමින් තම විරෝධතාවය ප්‍රකාශ කලේය. එසේම අද දින වෘතිය සමිති 26 ක් එක්ව පිහිටුවා ඇති එකාබද්ධ වෘතිය සමිති සන්ධානයද කොළඹ කොටුව දුම්රියපොල ඉදිරිපිටදී උද්ඝෝෂනයක් පැවැත්වූ අතර, මීට සමගාමීව නිට්ටඹුව ඇතුළු ස්ථාන කිහිපයකදී උද්ඝෝෂණ පැවැත් වූ බව වාර්තා විය.
Read More >> (2011-06-01)
බයිපාස් සැත්කමට භාජනය වී සිටි රෝගියාට පහරදී අතක් කඩයි
පසුගිය 30 වන දා කටුනායක අයෝජන ප්‍රවර්ධන කලාපයේ පැවැති සේවක උද්ඝෝෂණයේ දී බරපතල සැක්කම් වලට භාජනය වී සිටි සේවකයන්ට පවා තමුන් අසනීප තත්ත්වයෙන් පසුවන්න බව ප්‍රකාශ කරසිටියදීත් පොලීසිය ඉතා අමානුෂිකව පහරදුන් බව පැවසේ. හදිසි අනතුරක් හේතුවෙන් සිදුවු අස්ථි බිදීමකට පත්වූ තරුණයෙකු තම පාදයේ බිදී ඇති අස්ථි යා කොට තහඩුවක් දමා අති බව ප්‍රකාශකර සිටියදී පවා පොලීසිය බිම දමාගෙන එම තරුණයාට පහරදී තිබේ. එසේම මීට වසර කිහිපයකට පෙර දරුණු හදවත් සැත්කමකට භාජනට වී ඇති කටුනායක නිදහස් වෙළද කලාපයේ ස්මාට් ෂර්ට් ආයතනයේ සේවය කරන 29 හැවිරිදි අවිවාහකයෙකු වූ සුමේධ චන්දිමල්ට මෙසේ පහරදී තිබේ. ඔහු හගුරන්කෙත පදියපැලැල්ල ප්‍රදේශයේ පදිංචිකරුවෙකු වන අතර ඔහු 2004 වර්ෂයේ දී බයිපාස් සැත්කමකට භාජනය කර තිබේ.
Read More >> (2011-06-01)
කටුනායක නිදහස් වෙළද කලාපය තුළ ඇරඹි ශ්‍රි ලංකා පොලිසියේ මානුෂීය මෙහෙයුම
මැයි 30 වෙනිදා කටුනායක නිදහස් වෙළඳ කලාපයේ විරෝධතා ව්‍යාපාරයක නිරත වූ කම්කරුවන්ට පොලිසිය විසින් කරන ලද අමානුෂික පහර දීම හේතුවෙන් කම්කරුවන් 200 ට වැඩි පිරිසක් රෝහල්ගත කර ඇත. මේ වන විට එම කම්කරුවන් මීගමුව, රාගම, සීදුව සහ කොළඹ ජාතික රෝහලේ ප‍්‍රතිකාර ලබමින් සිටී. මේ අවස්ථාවේ පොලිසිය විසින් සිදුකළ වෙඩි තැබීම නිසා හයදෙනෙකු වෙඩි වැදී බරපතල තුවාල ලබා ඇති අතර එක් සේවකයෙකු ඉතා අසාධ්‍යව රාගම රෝහලේ දැඩි සත්කාර ඒකකයේ ප්‍රතිකාර ලබන බවද වාර්තා වේ. පොලිසිය සිදුකළ මෙම වෙඩි තැබීම නිසා නිදහස් වෙළඳ කලාපය අසල න්‍රිරෝද රථ ගාලේ සිටි න්‍රිරෝද රථ රියදුරන් දෙදෙනෙකුට ද වෙඩි වැදී ඇති අතර මින් එක් අයෙකු සීදුව රෝහලේද අනෙක් තැනැත්තා රාගම රෝහලටද ඇතුලත් කර තිබේ.
Read More >> (2011-05-31)
න්‍රිකුණාමලය කදවුරේ සරසවි සිසුන් 300 කට ඇත්තේ එක වැසිකිලියයි - සංජීව බණ්ඩාර
සරසවි සිසුන් වෙත ලබා දෙන ඊනියා නායකත්ව පුහුණුව සදහා හමුදා කදවුරු වෙත ගාල් කරනු ලැබූ සරසවි සිසුන් සදහා අවම පහසුකම්වත් ලබා දීමට බලධාරීන්ට නොහැකි වී ඇති බවත්, බොහෝ හමුදා කදවුරුවල ප්‍රමාණවත් සනීපරක්ෂක පහසුකම් පවා නොමැති බවත්. න්‍රිකුණාමලය හමුදා කදවුරේ සරසවි සිසුන් 300 ක් සදහා ඇත්තේ එක් වැසිකිලියක් පමණක් බවත්, එක් සිසුවෙකුට විනාඩි 2 ක් වෙන්කරනු ලැබුවොත් වැසිකිලියාම වෙනුවෙන් දිනකට පැය 5 ක් මෙම නායකත්ව පුහුණුවෙදී වෙන් කිරීමට සිදුවන බවත් අන්තර් විශ්වවිද්‍යාල ශිෂ්‍ය බලමණ්ඩලයේ කැදවුම්කරු සංජීව බණ්ඩාර මහතා ප්‍රකාශ කරන ලදී. ඔහු එම අදහස් ප්‍රකාශකරනු ලැබුවේ බලහත්කාරයෙන් සරසවි සිසුන් වෙත යුධ පුහුණුව ලබාදීමට එරෙහිවත්, විශ්ව විද්‍යාල ඇදුරන්ගේ වෘත්තීය ප්‍රශ්ණ සදහා කඩිනම් විසදුම් ලබා දෙන ලෙසත් රජයට බල කිරීම සදහා පසුගිය 30 දා කොළඹ 7, ජේ.ආර්. ජයවර්ධන කේන්ද්‍රයේදී පැවැති නිදහසේ වේදිකාවේ සම්මන්ත්‍රණය අමතමිනි.
Read More >> (2011-05-31)
ස්වාධීන යාන්ත්‍රණයක් අවශ්‍යයි -‘ප්‍රජාතන්ත්‍රචාදය වෙනුවෙන් නීතිඥයෝ’
ශ්‍රී ලංකාව සම්බන්ධයෙන් එක්සත් ජාතීන්ගේ සංවිධානය පසුගියදා නිකුත් කළ වාර්තාවෙහි අඩංගු චෝදනා සැබෑදැයි පරීක්‍ෂා කර බැලීම සඳහා පිළිගත හැකි ආකාරයේ ස්වාධීන යාන්ත්‍රණයක් පිහිටුවීමේ අවශ්‍යතාවය ප්‍රජාතන්ත‍්‍රවාදය වෙනුවෙන් නීතිඥයෝ’ සංවිධානය අවධාරණය කර සිටී. යුද අපරාධ සිදුකළ බවට රජයට හා එල්ටීටීඊයට එරෙහිව එල්ලව ඇති චෝදනා විශ්වාස කළහැකි බවට එම වාර්තාව මඟින් දක්වා ඇති නිසා තිරසාර ජාතික සමාදානයක් ඇතිකරලීම සඳහා ඒවායේ සත්‍ය අසත්‍යතාවය තහවුරු කරලීම අත්‍යාවශ්‍ය බව එම සංවිධානය නිකුත් කළ නිවේදනයක දැක්වේ. දේශපාලන හා වෘත්තීමය සංවිධාන විසින් මේ දක්වා එම වාර්තාවට දක්වා ඇති ප‍්‍රතිචාරයන් නිසා අනිසි ප්‍රතිවිපාක අත්විඳීමට සිදුවනු ඇතැයි එහි සඳහන්ව තිබේ.
Read More >> (2011-05-26)
සරසවි සිසුන්ට යුධ පුහුණුව එපා සම්මන්ත‍්‍රණය මැයි 30 ජේ.ආර්. ජයවර්ධන කේන්ද්‍රයේදී
බලහත්කාරයෙන් සරසවි සිසුන් වෙත යුධ පුහුණුව ලබාදීමට එරෙහිවත්, විශ්ව විද්‍යාල ඇදුරන්ගේ වෘත්තීය ප්‍රශ්ණ සදහා කඩිනම් විසදුම් ලබා දෙන ලෙසත් රජයට බලකෙරෙන නිදහසේ වේදිකාව විසින් සංවිධානය කෙරෙන සම්මන්ත්‍රණය මැයි 30 සදුදා සවස 4.00 කොළඹ 7, ජේ.ආර්. ජයවර්ධන කේන්ද්‍රයේදී පැවැත්වීමට කටයුතු යොදා තිබේ. එක්සත් ජාතික පක්ෂය, දෙමළ ජාතික සංධානය, වාමාංශික විමුක්ති පෙරමුණ, එක්සත් සමාජවාදී පක්ෂය, ප්‍රජාතන්ත‍්‍රවදී ජනතා පෙරමුණ නායකයින් දේශපාලන පක්ෂ නියෝජනය කරමින් මෙම සම්මන්ත‍්‍රණය අමතනු ලබන අතර, නිදහසේ වේදිකාවේ කැදවුම්කරුවන් වන ආචාර්ය නිමල්කා ප්‍රනාන්දු, නීතිඥ සුදර්ශන ගුණවර්ධන, බ්‍රිටෝ ප්‍රනාන්දු යන අය සිවිල් සමාජය නියෝජනය කරමින් මෙම සම්මන්ත්‍රණය ඇමතීමට නියමිතව ඇත.
Read More >> (2011-05-26)
වෙළද කලාපයේ විරෝධතා කරුවන් දඩයම් කිරීම ඇරඹේ 52 ක් අත්අඩංගුවට
රජය විසින් ක්‍රියාත්මක කිරීමට යෝජිත පෞද්ගලික අංශයේ විශ්‍රාම වැටුප් යොජනාව වහා හකුලා ගන්නැයි බල කරමින් කටුනායක ආයෝජන ප‍්‍රවර්ධන කලාපයේ සේවක සේවිකාවන් අද ආරම්භ කළ දැවැන්ත විරෝධතාවයට සම්බන්ධ කම්කරුවන් දඩයම් කිරීමේ මෙහෙයුම මේ වන විට ආරඹා තිබේ. පොලීසිය විසින් මෙම උද්ඝෝෂණයට සහභාගී වී සිටි අය පමණක් නොව එ අවස්ථාවේ පාරේ සිටි මෙම උද්ඝෝෂණය නරඹමින් සිටි පිරිස්ද බස් හා ට්‍රක් රථවලට බලහත්කාරයෙන් පටවාගෙන ගිය අතර මේ වනවිට ඔවුන් කටුනායක හා සීදුව පොලිස් ස්ථාන වෙත රැගෙන ගෙන ගොස් ඇත. පොලිස් අත්අඩංගුවේ සිටින සේවකයෙකු ගැන තොරතුරු දැන ගැනීමට කටුනායක පොලිස් ස්ථානය වෙත යාමට උත්සාහගත් ඔහුගේ හිතවතෙකුට පොලිස් ගේට්ටුවේ සිටි නිළධාරීන් කියා සිටියේ මේ වෙලාවේ එන්න එපා තමුසෙත් අල්ලල දාගනීවි දන්නවනේ වෙලා තියන දේ විස්තර දැන ගන්න ඕන නම් හෙට උදේට ඇවිල්ල බලනවා කියා පවසා ඇත. මේ අවස්ථාවේ කටුනායක පොලීසිය ඉදිරිපිට සිටි තම හිතවතුන් බැලීමට පැමිනි දෙදෙනෙකුද අල්ලා පොලීසිය තුළට ගෙන යනු මෙම තැනැත්තා විසින් දැක තිබේ. අත්අඩංගුවට ගෙන ඇති පිරිස් අතර වානිජ හා කාර්මික සේවක සංගමයේ අමරසිංහ මහතාද සිටින අතර ඔහු මේ වන විට සීදුව පොලිසියේ සිට කටුනායක පොලීසිය වෙත ගෙන ගොස් ඇති බව වාර්තා වන අතර, මේ වන විට පොලිස් අත්අඩංගුවට පත්වී ඇති සංඛ්‍යාව 52 ක් බවත් වාර්තා වේ.
Read More >> (2011-05-24)
කිරිඳිවැල ඬේවිඞ් අමරසිංහගේ ඝාතනයේ පරීක්ෂණ CID පවරණ ලෙස ඉල්ලා ජනාධිපතිට පෙත්සමක්
2010 අගොස්තු මස 13 වන දින පූගොඩ පොලිස් වසමේ පැපිලියවල, සියඔලාගහවත්ත ග‍්‍රාමයේ පදිංචිකරුවෙකු වූ හතළිස් හත්හැවිරිදි අවිවාහකයෙකු වූ ඬේවිඞ් අමරසිංහ කිරිඳිවැල පොලීසියේ නිලධාරීන් විසින් අත්අඩංගුවට ගැනීමෙන් පසුව සිදු වූ මරණය සම්බන්ධව පැවැත්වෙන පරීක්ෂණ අපරාධ පරීක්ෂණ දෙපාර්තමේන්තුව යටතට පවරන ලෙස ඉල්ලා ජනාධිපති වෙත පෙත්සමක් යොමුකර තිබේ. ඬේවිඞ් අමරසිංහගේ ඥතීන් ඇතුළු ගම්වාසීන් 150 දෙනෙකු පමණ අත්සන් කර ජනාධිපතිවෙත යවා ඇති එම පෙත්සම මගින් ඬේවිඞ්ගේ ඝාතණය සම්බන්ධව කිරිඳිවැල පොලීසිය විසින් සිදුකරනු ලබන පරීක්ෂණ පිළිබදව කිසිදු විශ්වාසයක් තැබිය නොහැකි බැවින් එම පරීක්ෂණ අපරාධ පරීක්ෂන දෙපාර්තමේන්තුව යටතට පවරන ලෙස ඉල්ලා ඇත.
Read More >> (2011-05-24)
යෝජිත විශ‍්‍රාම වැටුප් ක‍්‍රමයට එරෙහිව කටුනායක නිදහස් වෙලද කලාපයේ දැවන්ත විරෝධතාවයක්
රජය විසින් ක‍්‍රියාත්මක කිරීමට යෝජිත පෞද්ගලික අංශයේ විශ‍්‍රාම වැටුප් යොජනාව වහා හකුලා ගන්නැයි බල කරමින් කටුනායක ආයෝජන කලාපයේ කර්මාන්ත ශාලාවල සේවයේ යෙදෙන සේවක සේවිකාවන් තිස්දාහකට අධික පිරිසක් අද උදෑසන සිට කොළඔ කටුනායක මහා මාර්ගයේ ගුවන් තොටුපලට පිවිසෙන මාර්ගය අවහිර කරමින් උද්ඝෝෂණයක නිරත වුණි. රජය සේවකයින්ගේ හෝ වෘත්තීය සමිතියන් හි අදහස් නොවිමසා අත්තනෝමතික ආකාරයෙන් පෞද්ගලික අංශය සඳහා ගෙන ඒමට යෝජිත විශ‍්‍රාම වැටුප් ක‍්‍රමය මගින් ඔවුන්ට කිසිම සෙතක් සිදුනොවන බවටත් මේ මගින් සිදුවන්නේ තව තවත් තමන් අපහසුවට පත්කිරීමක් බවත් එම නිසා වහාම ගෙන ඒමට යෝජිත මෙම පනත පෞද්ගලික අංශයේ සේවකයින්ට හිතකර ලෙස සංශෝධනය කරන ලෙසත් නැතිනම් වහාම එය හකුළා ගන්නා ලෙසත් බල කරමින් ඔවුන් මෙසේ උද්ඝෝෂණයේ නිරත වූහ.
Read More >> (2011-05-24)
මානව හිමිකම් වෙබ් අඩවියක් අන්තර්ජාලයට මුදා හැරේ
රයිට්ටු ලයිෆ් මානව හිමිකම් සංවිධානයේ නිළ වෙබ් අඩවිය අද දින අන්තර් ජාලයට මුදා හැරි ම සිදු කරනු ලැබීය. මෙම වෙබ් අඩවිය මුදාහැරීමේ උත්සවය කටුනායක පිහිටි රයිට් ටු ලයිෆ් ආයතනයේදී සිදුකෙරුණු අතර මෙම උත්සවය සඳහා ගම්පහ දිස්ත‍්‍රික්කයේ මානව හිමිකම් ක්‍රියාකරීන් රාශියක් සහභාගී වී සිටි අතර වෙබ් අඩවිය නිළ වශයෙන් මුදැහැරීම නිදහසේ වේදිකාවේ කැඳවුම්කාරිණියක හා සිවිල් සමාජ ප්‍රබල කි‍්‍රයාකාරිනියක වන ආචාර්ය නිමල්කා ප‍්‍රනාන්දු මහත්මිය අතින් සිදුවිය.
Read More >> (2011-05-21)
පොදු සමාව යටතේ 18 වරක් සිරකරුවෙකු නිදහස්කර ලෝක වාර්තාවක් පිහිටුවයි
2600 වන සම්බුද්ධත්ව ජයන්තිය නිමිත්තෙන් සුළු වැරදි හා දඩ මුදල් ගෙවීමට නොහැකිව සිටින සිරකරුවන්ගෙන් 2600 ක් පොදු සමාව යටතේ මුදාහරින බව රජය ප්‍රකාශ කොට තිබූනි. පසුගිය 17 වන දින ලංකාවේ පිහිටි විවිධ බන්ධනාගර අතරින් එසේ පොදු සමාව ලැබූ 858 දෙනෙකු නිදහස්කර හරිනු ලැබූ බව එ අතර වාර්තා විය. වෙසක් උත්සවය වෙනුවෙන් සිරකරුවන් මුදාහැරීම පවතින රජය මෙන්ම පැවැති සෑම රජයක් විසින් සිදු කරනු ලැබීය. මෙම පොදු සමාව දඩමීමා කරගත් නිලධාරීන් සුළු වැරදි හෝ දඩ ගෙවිමට නොහැකි අය පමණක් නොව වෙනත් සංවිධානාත්මක අපරාධවලට සම්බන්ධ සිරකරුවන් පවා මෙම පොදු සමාව යටතේ පසුගිය කාලය තුළ නිදහස් කර ඇති බවට වාර්තා විය.
Read More >> (2011-05-20)
කොමිෂන් සභා හතරකට සභාපතිවරු පත්කරයි
නව ව්‍යවස්ථා සංශෝධනය මගින් ජනාධිපතිවරයාට පැවරී ඇති බලතල අනුව කොමිෂන් සභා 4 කට සභාපතිවරු හා සෙසු නිළධාරින් පත්කිරීම සිදුකර ඇත. ජනාධිපතිවරයා විසින් කර ඇති එම පත්කිරීම් මැයි මස 16 වන දා සිට බලපැවැත්වෙන බවද වාර්තා වේ. එ අනුව මානව හිමිකම් කොමිසමේ සභාපති ලෙස ප්‍රියන්ත ආර්. පී. පෙරේරා මහතාත් , රාජ්‍ය සේවා කොමිසමේ සභාපතිවරයා ලෙස ආචාර්ය දයාසිරි ප්‍රනාන්දු මහතාත් , අල්ලස් හෝ දුෂණ විමර්ශණ කොමිසමේ සභාපතිවරයා ලෙස ඞී. ජේ. ද බාලපටබැදි මහතා හා මුදල් කොමිසමේ සභාපති ලෙස ආරියරත්න හේවගේ මහතාත් මෙසේ පත්කර තිබේ.
Read More >> (2011-05-20)
රයිට් ටු ලයිෆ් වෙබ් අඩවිය අන්තර්ජාලයට මුද්‍රාහැරීමේ උත්සවය - මැයි 21
තොරතුරු දැනගැනීම අපට ඇති මූලික අයිතිවාසිකමකි. තොරතුරු ප්‍රචාරණය සදහා ලංකාව තුළ මාධ්‍ය ආයතන රාශියක් ක්‍රීයාත්මක වූවත් අපක්ෂපාතී හා සත්‍ය තොරතුරු මහජනයා වෙත ලබාදීමට එම බොහෝ මාධ්‍ය ආයතන අද අසමත් වී තිබේ. නොමැති නම් බොහෝ මාධ්‍ය අපක්ෂපාතී හා සත්‍ය තොරතුරු හෙලිකිරීමට බියක් හෝ පසුබෑමක් දක්වයි. මහජනයාට නොබියව තොරතුරු ලබා දීමට උත්සාහ කරන අතලොස්සක් වූ මාධ්‍ය තුලින් පවා මානව හිමිකම් විෂය සම්බන්ධව සාධාරණ ඉඩ කඩක් ලබාදුන් බවක් අපට නොපෙනුන අතර, අද මතුවී ඇති සාකච්ඡව තුළ ලැබී තිබූ එම ඉඩ ද වේගයෙන් සීමා වෙමින් යන බවක් පෙනේ.
Read More >> (2011-05-19)
ලංකාවේ අපරාධ පරීක්ෂණ ක්‍රමය ගැන දැනගන්න
අප රට තරම් අපරාධ පරීක්ෂණ මොන තරම් සූර, කාර්යක්ෂමව හා බුද්ධිමත්ව සිදුකරන රටක් ලෝකයේ තවත් තිබේද යන්න ගැටළුවකි. පොලීසිය සොයන සැකකරුවෙකුගේ හෝ වරෙන්තුකරුවෙකුගේ නමක හෝ ගමක කොටසක් තවත් අයෙකුට හිමිව තිබීමෙන් අප රටේ අපරාධ පරීක්ෂණයන් කොතරම් සාර්ථකව සිදුවෙනවාද යන්න පිළිබදව අත්දැකීම් රාශියක් ලබා ගැනීමට ඔහුට හෝ ඇයට හැකියාව ලැබේ. සමහර විට එය ඔහුගේ හෝ ඇයගේ ජීවිතය අනෙක් පිට පෙරලීමටද එය එක් හේතුවක් විය හැක. 2002 ජුනි 03 වන දින වත්තල ප්‍රදේශයේ සිදුවූ ත්‍රිත්ව මිනීමැරමකට සම්බන්ධ පුද්ගලයන් වත්තල පොලීසිය විසින් සොයමින් සිටි විට ‘‘ජෙරාල්ඞ්’’ නැමැත්තෙක් ඊට සම්න්ධ බවට තොරතුරු ලැබී තිබේ. එසැනින් ක්‍රියාත්මක වූ වත්තල පොලීසිය කොළඹ ඩොක්යාර්ඞ් ආයතනයේ සේවය කරමින් සිටි ‘‘ජෙරාඞ්ව’’ අත්අඩංගුවට ගත් අතර පැය කීහිපයක් ඇතුල ඔහුට නොසෑහෙන ලෙස වධහිංසා කරන ලදී. පසුදින වැරදීමකින් ඔහු අත්අඩංගුවට ගත් බව පවසමින් නිදහස් කර හරිනු ලැබුවත් නිවසට යාම වෙනුවට ජෙරාඞ්ට නව ලෝක රෝහල වෙත යන්නට සිදු විය.
Read More >> (2011-05-19)
අතුරුදන් 600 ක ලැයිස්තුවක් රජයට
ද්‍රවිඩ ජාතික සන්ධානය සහ ආණ්ඩුව අතර 12 වැනි බ‍්‍රහස්පතින්දා පැවැත්වෙන සාකච්ඡා වාරයේදී 600කට වැඩි අතුරුදන්වූවන්ගේ නම් ලැයිස්තුවක් ආණ්ඩුවට ලබාදෙන බව පාර්ලිමේන්තු මන්ත්‍රී සී. සුමන්තිරන් මහතා රාවය පුවත්පතට ප්‍රකාශකර ඇත. පසුගිය යුද සමයේදී සහ පශ්චාත් යුද සමයේදී ආරක්ෂක අංශ අත්අඩංගුවට පත්වුණු සහ පදිංචි ප්‍රදේශවලින් අතුරුදන්වූවන්ගෙන් මෙම නම් ලැයිස්තුව සමන්විත වන බව කී සුමන්තිරන් මන්ත්‍රීවරයා ඒ පිළිබඳ රජයේ අවංක අවධානය යොමු වෙතැයි තම පක්ෂය විශ්වාස කරන බවද කියා තිබේ. දේශපාලන යෝජනා අතරින් ප්‍රධාන කරුණු 03ක් මෙහිදී සාකච්ඡාවට ගැනෙන බව ප්‍රකාශ කර ඇති සුමන්තිරන් මන්තී‍්‍රවරයා ද්‍රවිඩ ජාතික සන්ධානය වෙනුවෙන් පක්ෂ නායක ආර්. සම්බන්ධන්, මාවෙයි සේනාධිරාජා, සුරේෂ් ප්‍රමචන්ද්‍රන් සහ තමන් මෙම සාකච්ඡාවට සහභාගි වන බවද ප්‍රකාශකර ඇත.
Read More >> (2011-05-13)
ලංකා ඊ නිවුස් කර්තෘ ශාන්ත විජේසුරිය මුදාහැර වෙබ් අඩිවියට එරෙහිව තිබූ වාරණය ඉවත් කර ගනී
කිරිදිවැල පොලිස් අත්අඩංගුවේ සිටියදී 2010 අගෝස්තු 14 වන දින මිය ගිය 47 හැවිරිදි ඬේවිඞ් අමරසිංහ මහතාගේ මරණය සම්බන්ධ පූගොඩ මහෙස්ත‍්‍රාත් අධිකරණයේ පැවැත්වෙන මූලික නඩු විභාගය සම්බන්ධව අසත්‍ය වාර්තාවක් පළ කලේ යැයි චෝදනා ලැබ රක්ෂිත බන්ධනාගරගතව සිටි ශාන්ත විජේසුරිය මහතා ඊයේ (12.05.2010) පුගොඩ මහේස්ත්‍රාත් ඩබ්. අරවින්ද පෙරේරා විසින් මුදාහරින ලද අතර එම වෙබ් අඩවියට පනවා තිබූ වාරණය ඉවත් කිරීමට ද නියෝග කරන ලදී. ලංකා ඊ නිවුස් වෙබ් අඩවියෙහි 2011 අප්‍රේල් 19 වන දින පළකර තිබූ ප්‍රවෘත්තිය මගින් අධිකරණයට අපහාසයක් සිදුවී ඇතැයි ප්‍රකාශ කරමින් පූගොඩ මහේස්ත්‍රාත් අරවින්ද පෙරේරා මහතා විසින් එම ප්‍රවෘත්තිය පළ කළ ශාන්ත විජේසුරිය මහතා රක්ෂිත බන්ධානාගරගත කළ අතර ලංකා ඊ නිවුස් වෙබ් අඩවිය නඩුව අවසන් වන තෙක් වාරණයට ලක් කර තිබුනි. ඬේවිඞ් අමරසිංහ මිය යාම සම්බන්ධව කිරිදිවැල පොලීසියේ උ.පො.ප ඩබ්.එස් කුලරත්න හා පොලිස් කොස්තාපල් ලක්ෂ්මන් ද සිල්වා යන අය අයට එරෙහිව පැවැත්වෙන නඩුවේ ‘‘සාක්ෂි නොමැති නිසා නිදහස් කරන්නැයි නීතිපති දෙපාර්තමේන්තුව පූගොඩ මහේස්ත‍්‍රාත්වරයාට ලිඛිතව කළ දැනුම් දීමක් නොසලකා හැර ඇතැයි චූදිතයාගේ බිරින්දෑවරු පවසයි’’ යන ප්‍රචෟත්තිය අසත්‍ය තොරතුරු මත පදනම් වූ ප්‍රචෟත්තිය බවටත් එමගින් අධිකරණයට අපහාසයක් සිදුවී ඇත්දැයි යන්න සදහා මෙම නඩුව ශාන්ත විජේසුරිය මහතාට එරෙහිව ගොණුකර තිබුනි.
Read More >> (2011-05-13)
සිවිල් සංවිධාන හමුවේ ඇති අභියෝග හා අවස්ථා - සිවිල් සංවිධානය නියෝජිත සමුළුව
එක්සත් ජාතින්ගේ සංවිධානයේ මහ ලේකම් බෑන් කී මූන් මහතා විසින් ඉදිරිපත් කර ඇති විශේෂඥ වාර්තාවේ ඇති කරුණු හා අද ලංකාවේ සිවිල් සංවිධාන හමුවේ ඇති අභියෝගයන් හා අවස්ථාවන් පිළිබදව සාකච්ඡා කිරිම සදහා නිදහසේ වේදිකාව විසින් සංවිධානය කෙරුණු සිවිල් සංවිධාන ප්‍රධානීන්ගේ සුමුළුවක් පසුගිය 07 වන දින කොළඹ සෙඩෙක් ආයතනයේ ශ්‍රවණාගාරයේ දී පැවැත් විය. මෙම සමුළුව සදහා දිවයිනේ විවිධ ප‍්‍රදේශ නියෝජනය කරමින් සිවිල් සංවිධාන නියෝජිතයන් 71 දෙනෙකු සහභාගී වු අතර මෙහි මුලසුන නිදහසේ වේදිකාවේ කැදවුම්කාර මණ්ඩල නියෝජිත බ්‍රිටෝ ප්‍රනාන්දු මහතා විසින් හෙබවිය. මෙහි ප්‍රධාන අදහස් දැක්වීම් නිදහසේ වේදිකාවේ සම කැදවුම්කරුවන් වන නීතිඥ සුදර්ශණ ගුණවර්ධන මහතා හා ආචාර්ය නිමල්කා ප්‍රනාන්දු මහත්මිය විසින් සිදුකරන ලදී. පැමිණ සිටි සංවිධාන ප්‍රධානීන්ගේ බොහෝ දෙනා තම අදහස් ප්‍රකාශ කළ අතර, සාකච්ඡාව අවසානයේ ඉදිරිපත් කර ඇති වාර්තාවට යහපත් ප්‍රතිචාරයක් දැක්විය යුතු යැයි යන එකගතාවය මත පොදු ප්‍රකාශයක් සකසීමට එකගත්වයට පැමිණෙන ලදී. පැමින සිටි සියලූම දෙනා එම ප්‍රකාශයට එකගත්වය ප්‍රකාශ කළ අතර එම ප්‍රකාශය ප‍්‍රසිද්ධ කිරීමටද එකගත්වයකට පැමිණෙන ලදී. සාකච්ඡව නියෝජනය කළ සංවිධානයන් මෙම වාර්තාව පිලිබදව අභ්‍යන්තර සාකච්ඡාවක් ආරම්භ කිරීමටටත්, හැකියාව ඇති ප්‍රදේශවල මානව අනෙකුත් කි‍්‍කාරින් සමග මෙම සාකච්ඡාව ඉදිරියට පවත්වාගෙන යාමටත් අවසානයේ එකගත්වයකට පැමිණෙන ලදී.
Read More >> (2011-05-13)
දුෂණ වංචා හෙළි කළ මීගමුව නගර සභාවේ සේවකයෙකුට නාගරික මන්ත්‍රී පහරදී රැකියාව අහිමිකරයි
නෙල්සන් 2011.04.26 වන දින මීගමුව නගර සභාවේ කත්සේරු කාර්යාලයේ සිටියදී කුමාර ජයමාන්න යන නිළධාරියා පැමිණ නගරික මන්ත්‍රී ඇන්ටනි ජයවීර මහතා එන්න කිව්ව බව පවසා ඇත. එහිදී ඇන්ටනී ජයවීර දුරකථනය මගින් තර්ජනය කර ඇති බැවින් ඔහු හමුවීම ප‍්‍රතික්ෂේප කරන බව නෙල්සන් ප්‍රකාශ කර ඇත. එවැනි දෙයක් වෙන්න ඉඩ දෙන්නේ නැති බව කුමාර ජයමාන්න නිලධාරීයා පවසා ඇති අතර පසුව ඇන්ටන් ජයවීර මහතා හමුවීමට ඔහු සමග ගොස් ඇත. නගරාධිපතිගේ කාර්යාලයට ඇතුල්වීමට පෙර අමුත්තන් රැඳී සිටින කාමරයේ නාගරික මන්ත්‍රී ඇන්ටනි ජයවීර මහතා රැඳී සිටි ඇති අතර එහිදී ඔහු විසින් තලාහේන උප කාර්යාලයේ දේපල තහනම් කිරීමේ නිලධාරී තමන්ද යනුවෙන් විමසා ඇත. එවිට නෙල්සන් විසින් ඔව් යැයි ප‍්‍රකාශ කර ඇති අතර තලාහේන උප කාර්යාලයේ නිලධාරීන්ට විරුද්ධව පැමිනිලි කරමින් විගණන පරීක්ෂණ පවත්වමින් ඔවුන්ට කරදර කරන්නේ ඇයි දැයි ඔහු විසින් නෙල්සන්ගෙන් විමසා ඇත. එහීදී කිසිදු නිලධාරියෙකුට කරදර නොකරන බවත්, මා විසින් සෑම විටම සිදු කරනු ලද්දේ මා හට අදාල රාජකාරිය පමණක් බවත් නෙල්සන් විසින් ප‍්‍රකාශ කර ඇත. එවිටම නාගරික මන්ත්‍රී ඇන්ටනි ජයවීර නෙල්සන්හට වැරෙන් කනේ පහරක් ගසා ඇත. ඔහුට පහර දෙන අවස්ථාවේදී එම ස්ථානයේ උප නගරාධිපති තුමා, නාගරික මන්ත්‍රී පාරිස්, නගරාධිපති කාර්යය මණ්ඩලය සහ පිටස්තර අයද කිහිප දෙනෙකුද රැඳී සිටි ඇත. විශාල පිරිසක් ඉදිරියේ සිදු කල මෙම පහර දීම නිසා ලැජ්ජාවට මෙන්ම කම්පනයටත් දැඩි වේදනාවටත් නෙල්සන් පත්ව ඇත.
Read More >> (2011-05-11)
ඉගිනියාගල පොලීසියේ අමානුෂික පහරදීමක්
මුදලට ක්‍රීඬෘ කිරීම ලංකාවෙ නීතිය අනුව තහනම්ය. නමුත් රේස් ඔට්ටු දැමිම හා කැසිනෝ වැනි සූදු පවත්වාගෙන යාමට රජය විසින් අවසර දී තිබේ. මුදලට පැවැත්වෙන ක්‍රීඬෘවන් අතරින් ග්‍රාමීයච පැවැත්වෙන ජනපි‍්‍රය ක්‍රීඬෘවක් ලෙස බුරුවා ගැසීම හැදින්විය හැක. අවුරුදු මාසය ආරම්භයේ සිට බොහෝ ගම්මානව වල බුරුවා ගැසීම සිදුකරනු ලැබේ. ඉගිනියාගල නාමල්ඔය ග්‍රාමයේඳ ද එවැනි බුරුවා පිටියක් අප්‍රේල් 04 වනදා පවත්වා තිබේ. ක්‍රීඬෘව ආරම්භ වි පැයක් යන්නට මත්තෙන් රාත්‍රි11 ට පමණ එම ස්ථානයට කඩා වැදුනු ඉගිනියාගල පොලීසියේ පොලීස් කොස්තාපල් රෝෂාන්, සාජන් ලාල්, සිවිල් ආරක්ෂක බලකායේ වීරකෝන්, චමින්ද, කරු යන නිළධාරීන් ඔවුන් අත තිබූ පොලූවලින් එම ස්ථානයේ සිටි අයට දිගට හරහට පහරදෙන්නට පටන් ගෙන ඇත. මෙම පහරදීම නිසා තිදෙනෙකුට තුවාල සිදුවී රුධිරය ගලන්නට පටන්ගෙන ඇත. ඉන් පසුව එතන සිටි 7 දෙනෙකු අත්අඩංගුවට ගෙන ඇති අතර, ඔවුන් ඉගිනියාගල පොලීසිය වෙත රාත්‍රි 2.00 පමණ වන විට ගෙන ගොස් ඇත. එහිදී ඔවුන්ගෙන් කට උත්තර ලබා ගැනීම ආරම්භ කර ඇති අතර කට උත්තරයේ සදහන් කිසිවක් කියවීමට අවස්ථාව නොදී අත්සන් කරවාගෙන තිබේ.
Read More >> (2011-05-09)
සන්ධ්‍යා එක්නැලිගොඩගෙන් ජනාධිපති ආර්යාවට විවෘත සංදේශයක්
මාධ්‍යවේදි ප්‍රගීත් එක්නැලිගොඩ අතුරුදහන්වී දැනට අවුරුදු දෙකකට ආසන්න වි තිබේ. ඔහුගේ අතුරුදහන්වීම සම්බන්ධයෙන් විවිධ කථිකාවන් පසුගිය කාලය තුළ ගොඩනැගුණු අතර ආණ්ඩුවට හිතවත් මාධ්‍ය හා දේශපාලනඥයින් කියා සිටියේ ප්‍රගීත් ස්ව කැමැත්තෙන් අතුරුදහන් වී ඇති බවයි. එක් වරක් පොලිස් මාධ්‍ය ප‍කාශක කියා සිටියේ ප්‍රඳීප් සම්බන්ධව සෑහෙන තොරතුරු ප‍්‍මාණයක් එකරාශීකර තිබෙන බවත් දැන්ම ඵ් සම්බන්ධව මාධ්‍යට කරුනු දැක්විය නොහැකි බවත් පරීක්ෂණවලින් පසුව සියළු තොරතුරු ප්‍රසිඳ්ධ කරන බවත්ය. නමුත් ප්‍රගීත් ගේ අතුරුදහන්කරවීම සම්බන්ධව සිදුවූ පරීක්ෂණයක ප්‍රතිථලයක් තවමත් දක්නට නැති අතර එ සම්බන්ධව කිසිවෙකු අත්අඩංගුවට ගැනීමක් හෝ එ සම්බන්ධව අධිකරණයේ නඩුවක් ගොනුව ඇති බවක් අප වෙත වාර්තා වි නැත. ප්‍රගීත් ගේ බිරිද සන්ධ්‍යා එක්නැලිගොඩ ප්‍රගීත් සම්බන්ධව කිසියම්ම හෝ හෝඩුවාවක් ලබා ගැනීමේ බලාපොරොත්තුවෙන් නොගියපු තැනක් හෝ මුණ නොගැසූ කෙනෙක් නොමැති තරම්ය. ජනාධිපති ආර්්‍යායාව මුණ ගැසීමට ඇය විවිධ උත්සාහයන් කර ඇතත් ඊට අවස්ථාව නොලැබි නිසා අවසානයේ ඇය සංදේශයක් යැවීමට තීරණය කර තිබේ. සන්ධ්‍ය විසින් යවන ලද පිටු දෙකකින් සමන්විතව එම සංදේශයේ මෙසේද සදහන් වේ.
Read More >> (2011-05-09)
Page 86 Of 91

<<
1
...
83
84
85
86
87
88
...
91
>>
www.right2lifelanka.org