More News
MORE NEWS
කටුනායක පොලිස් ප‍්‍රහාරයට එරෙහිව ශ්‍රේෂ්ඨාධිකරණයට පෙත්සම් 10ක්
පෞද්ගලික අංශයට විශ‍්‍රාම වැටුපක් ලබා දීම සඳහා රජය සැලසුම් කළ වැඩ පිළිවෙලට එරෙහි උද්ඝෝෂණ ව්‍යාපාරයක යෙදුන කටුනායක වෙළඳ කළාපයේ සේවක සේවිකාවන්ට පොලීසිය අමානුෂික ලෙස පහරදීම බරපතල ලෙස ඔවුන්ගේ මූලික අයිතින් උල්ලංඝනය කිරීමක් හැටියට තීන්දු කරන්නැයි ඉල්ලා ඊයේ (29 වැනිදා) ශ්‍රේෂ්ඨාධිකරණයට පෙත්සම් 10ක් ටගොනු කරණ ලදි. එම සිද්ධිය වූ දවසේ පොලිස් බලය ඉක්මවා යම්න් ප‍්‍රචණ්ඩ ලෙස හැසිරුනු පොලිස් නිලධාරින්ට එරෙහිව ස්වාධීන පරීක්ෂණයක් පවත්වන මෙන් පොලිස්පතිට නියෝග කරන ලෙසද , ඔවුන් සිදු කළ වරදේ බරපතළකම අනුව සලකා ප‍්‍රහාරයට ලක්ව තුවාල ලැබූ සියඑ දෙනාට සාධාරණ වන්දි මුදලක් පොලිසියෙන් අය කර දෙන ලෙස ද පෙත්සම් වලින් ඉල්ලා ඇත.
Read More >> (2011-06-30)
අටසිය විසිපහක අත්සනින් යුතුව මානව හිමිකම් කොමිෂමට පැමිණිල්ලක්
පසුගිය මැයි 30 වන දා කටුනායක නිදහස් වෙළඳ කළාපය තුළදී එහි සේවක සේවිකාවන්, රජය විසින් පෞද්ගලික අංශය සඳහා යෝජනා කළ විශ‍්‍රාම වැටුපට එරෙහිව කල උද්ඝෝෂණයට අමානුෂික ලෙස පහර දුන් අතර එහි සිදු වු පොලිස් වෙඩි තැබීමෙන් හය දෙනෙක් තුවාල ලැබූ අතර එක් සේවකයකු මිය ගියේය. මෙම සිදුවීම සම්බන්ඳව නිසියාකාරයෙන් නීතිය ක‍්‍රියාත්මක වීමක් සිදු වන බව නොපෙනෙන අතර තමන්ට සිදු වු අමානුෂික පහර දීම පිළිබඳව සාධාරණ පරීක්ෂණයක් තවමත් සිදු නොවන බව මෙම සේවක සේවිකාවන්ගේ විශ්වාසයයි. එබැවින් මැයි 30 වන දා නිදහස් වෙළඳ කළාපයේ සිදු වූ උද්ඝෝෂනයේදී ආයතනයෙන් පිටතදී කඳුළු ගෑස් ගසමින්, පහර දෙමින්, පොලිස් නිළධාරින් ආයතන තුළටද පැමිණ බරපතළ ලෙස වධහිංසා පමුනුවමින් පහර දීම, ඇතැම් සේවකයින්ට පොලිසිය වෙත ගෙන ගොස් බරපතළ ලෙස පහර දීම, තුවාල කරුවන්ට ප‍්‍රතිකාර ලබා දීම සහා රෝහල් වලට ඇතුල් කිරීම දැනුවත්ව ප‍්‍රමාද කිරීම සිදු වූ අතර මෙම සියළු පීඩාවන් හා වධ හිංසාවන් සම්බන්ඳයෙන් තනි තනිව පැමිනිලි නොකරන්නේ තම ජීවිත වලට හානී පැමිනේවියැයි ඇති විශාල බිය නිසා බවද, ආයතන තුළදී සේවකයින්ට පහර දීම සහා ආයතන වලට අලාභ හානි කිරීමට එරෙහිව ආයතන පාලකයින් කිසිදු පියවරක් නොගන්නේ ඔවුන්ද බරපතල ලෙස බියපත් වී ඇති නිසා බවද මෙම පෙත්සමේ සඳහන් කර ඇත.
Read More >> (2011-06-29)
වධහිංසාවට එරෙහිව නියෝජිත සමුළුව
අද වධහිංසාවට එරෙහිව කොපමණ නීති රට තුළ තිබුනත් එම නීති ඒ අකාරයෙන් කි‍්‍රයාත්මක නොකර සිටිමේ එකගත්වයක් එම නීති කි‍්‍රයාත්මක කිරීමේ ප‍්‍රධාන වගකීම ඇති රජයෙනුත්, විශේෂයෙන් ආගමික ප‍්‍රජාවගෙනුත්, සිවිල් සමාජයෙනුත් ලැබී තිබෙනවා. ඊට අනගි සහායක් විපක්ෂය විසිනුත් මේ දක්වා ලබා දී තිබෙනවා. අද බොහෝ බුද්ධිමතුන් හා ප‍්‍රගතිශීලින් පවා පාලනය සදහා හිංසාව අත්‍යාවශ්‍ය සාධකයක් බව කල්පනා කරනවා. අද බොහෝ දෙනෙකුගේ මතය වී ඇත්තේ සැකකරුවෙකුට පහරදී විස්තර ලබා ගැනීම කළ යුතු දෙයක් ලෙසයි. පසුගියදා රජයේ ප‍්‍රබල ඇමතිවරයෙකු ප‍්‍රසිද්ධ රැස්වීමකදී ප‍්‍රකාශ කර සිටියේ මූණ අතගාල, බුරියානි කන්න දීල සැකකරුවෙකුගෙන් තොරතුරු ලබා ගත නොහැකි බවයි. මින් ඇගවෙන්නෙ කුමක්ද? ජාත්‍යන්තරව එල්ල වූ විවිධ බලපෑම් නිසාත්, ණය හා ආධාර ලබා ගැනීමේ පැනවෙන කොන්දේසි නිසාත්, වධහිංසාව ලංකාව තුළ තහනම් කර ඊට එරෙහිව නව නීති රට තුළට ගෙන එනු ලැබුවත් සෑබෑවට එය වැලැක්වීමේ උවමනාවක් රජයට නැති බව නොවේද? වධහිංසාවන්ට ලක්වුවන්ට සහාය දැක්වීමේ ජාත්‍යන්තර දිනය නිමිත්තෙන් ‘‘වධහිංසාවට එරෙහි එක්සත් කි‍්‍රයාකාරීත්වයක්’’ යන මැයෙන් කොළඹ 07 ඔලිම්පික් හවුස් ශ‍්‍රවණාගාරයේ දී ඊයේ (2011.06.28) පැවැති නියෝජිත සමුළුව අමතරමින් රයිටු ලයිෆ් සංවිධානයේ විධායක ලේකම් පිලිප් දිසානායක මහතා එම අදහස් පළ කරන ලදී.
Read More >> (2011-06-29)
මහජන මානව හිමිකම් කොමිසමක්
අප හමුවේ වර්ථමානයේ ඇති අභියෝගය වන්නේ රට තුල සිදුවන මානව හිමිකම් උල්ලංඝනයන් වීමට එරෙහිව කටයුතු කරන අතරම නැවත වතාවක් මානව හිමිකම් වලට ගරු කරන මානව හිමිකම් ආරක්ෂා කරන සහ වැඩි දියුණු කරන සමාජයක් නිර්මාණය කිරීමයි. එහීදී මේ වන විට අකර්මන්‍යව පවතින ශ‍්‍රි ලංකාවේ මානව හිමිකම් ආරක්ෂා කිරීමේ යාන්ත‍්‍රණය යලි පන ගැන්වීමට කි‍්‍රයාත්මක විය යුතුව ඇත. මෙරට මානව හිමිකම් ආරක්ෂා කිරීමට පිහිට වු ආයතන රාජ්‍ය බලයෙන් මුදා ගැනිම අසීරු නිසාත් ඒවායේ ඇති පක්ෂග‍්‍රාහී භාවය නිසාත් නැවත ඒවා වටා විශ්වාසයෙන් ජනතාව එක් රැස් නොවන නිසා එම ආයතන වලට විකල්ප මහජන ආයතන ගොඩ නැගීමට ඇති හැකියාව පිළිබදව අප සොයා බලමින් සිටී
Read More >> (2011-06-29)
දෙනියාය කොස්මෝදර පොලීසිය තරුණයෙකුට පහර දී බොරු නඩු පවරයි
සිවිල් ඇදුමෙන් සිටි පොලිස් නිලධාරීන් දෙදෙනෙකු බලහත්කාරයෙන් නිවසට ඇතුල්වීමට උත්සහ කළ අවස්ථාවේ අනන්‍යතාවය තහවුරු කරන ලෙද කරන ලද ඉල්ලීම නිසා කෝපයට පත්ව එම තැනැන්තාට පහරදි පසුව තවත් පොලිස් නිලධාරීන් කණ්ඩායමක් සමග පැමිණ නැවතත් පහරදී පසුව අත්අඩංගුවට ගෙන බොරු නඩු පැවරීමක් සම්බන්ධව දෙනියාය කොස්මොදර උප පොලිස් ස්ථානයෙන් වාර්තා වේ. මෙසේ පහර කෑමට ලක්ව තිබෙන්නේ ඉලූක්පිටිය කොටපොල පදිංචිව සිටින 29 හැවිරිදි විවාහකයෙකු වන දිසානායක මුදියන්සේලාගේ චන්දන නැමැත්තායි.
Read More >> (2011-06-28)
පොලිස් කොමිෂමේ පැමිණිලි ගොඩගැහේ
පොලිස් කොමිෂමේ නිළධාරියෙකු ඊයේ ප‍්‍රකාශ කලේ පොලිස් කොමිෂම ක‍්‍රියාත්මක නොවීම මත පොලිස් නිළධාරීන්ට විරුදධව මහජන පැමිණිලි ගොඩ ගැසෙමින් පවතින බවයි. කොමිෂන් ලේකම් ආරියදාස කුරේ මහතා පැවසුවේ 18 වන සංශෝධනය සම්මත වීමත් සමඟම පොලිස් කොමිෂමේ බලතල හා වගකීම් වැඩි ප‍්‍රමාණයක් රාජ්‍යය සේවා කොමිෂමට සහ පොලිස්පතිට පැවරීම නිසා පොලිස් කොමිෂමේ ක‍්‍රියාකාරීත්වය බරපතල ලෙස පහත වැටී ඇති බවයි. පොලිස් කොමිෂම ක‍්‍රියාත්මක වීම නැවැත්වූ අපේ‍්‍රල් 09 වන දා සිට එනම් පොලිස් කොමිෂමේ කොමසාරිස්වරුන්ගේ ධූර කාලය ඉකුත්වූ දින සිට විවිධ තනතුරු වලට අදාල පොලිස් නිළධාරීන්ට විරුද්ධව පැමිණිලි 1000 ක් ආයතනයට ලැබී ඇත.
Read More >> (2011-06-22)
පොලිස් වධහිංසාව හා නීතියේ අර්බුදය
ලංකාවේ පොලිස් වදහිංසා වාර්තා වී ඇත්තේ දහස් ගණනිනි. පසුගිය සතියේ ආසියානු මානව හිමිකම් කොමිසම තවත් වාර්තාවක් නිකුත්කරමින් වදහිංසා සිද්ධින් 325 ක් පමණ වාර්තා කලේය. පොලිස් වදහිංසාව පොලිසියේ අද පවතින මහා විශාල අර්බුදයේ ඉතාම කැපීපෙනෙන සාධකයකි. කටුනායක නිදහස් වෙළඳ කලාපයේදී මැයි 24 වන දිනදී පොලිස් වෙඩිපහරින් මියගිය චානක පිළිබඳ සිද්ධියත් පොලිස්පතිවරයාගේ අස්විමත් අහම්ඹයක් නොවේ. එවැනි සිදුවීම් මුල සිට අගට පැතිර ඇති මහා ව්‍යාධියක ප‍්‍රකාශනයන් පමණි. මෙසේ පැවත පතින පොලිස් ව්‍යාධිය කුමක්ද? එය පොලිසියේ උඩ සිට යටට පවතින ධූරාවලියේ ග‍්‍රහණය පොලිසිය තුළින් ඉවත්වී යෑම පිළිබඳව ප‍්‍රකාශයනයකි. ඕනෑම රටක පොලිසියක් උඩ සිට යටට පාලනය වන සංස්ථාවකි. යට සිට උඩට යන සෑම අවධියකදිම සටහන් වන්නේ පොලිසිය තුල තිබිය යුතු අධික්‍ෂණ ක‍්‍රියාමාර්ගයයි. පොලිස් ස්ථානාධිපතිවරයා, සහකාර පොලිස් අධිකාරිවරයා (ඒ. එස්. පි) ගේ අධික්‍ෂණයට භාජනය වේ. පොලිසියක විනයත් සංවිධානාත්මක භාවයත් ආරක්‍ෂා කිරිම සඳහා ඇති ඉතාමත්ම වැදගත් ක‍්‍රියා පිළිවෙත වන්නේ ඒ.එස්.පි වරයෙතු විසින් පොලිසිය නිතරම අධික්‍ෂණයට යටත් කිරිමය. එය කළ යුතු ආකාරය පොලිස් දෙපාර්තමේන්තු නියෝග පොතෙහි සඳහන් කොට ඇත. එය දීර්ඝ කාලයක් තිස්සේ වර්ධනය වූ ප‍්‍රතිපත්තින් සඳහන්වන පොතකි. එහෙත් ඒ පොත අද මළ පොතකි. කිසිදු නිලධාරියෙක් තමන්ගේ දෙපාර්තමේන්තු නියෝග පොත නොතකන තත්ත්වයක් උදාවූයේ අද ඊයේ නොවේ. එය කාලයක් තිස්සේ සිදුවිය. අද එය නිලධාරින් අතර විහිළුවෙන් සලකණු ලබන පුරාණ පුස්ථකයක් බවට පත්වී ඇත.
Read More >> (2011-06-20)
අම්බලන්තොට පොලීසිය තිදරු මවකට පහර දී බොරු නඩු පවරා බන්ධනාගාරගත කරයි
පොලීසිය විසින් සිදුකරනු ලබන වධහිංසාව ශ‍්‍රී ලංකාවෙන් තොරවු බවක් අසන්නට තව කොපමණ කාලයක් ගතකරන්නට සිදුවේදැයි යන් සැකය අප කාගේත් සිත් සතන් මතු කරන්නා වූ ප‍්‍රශ්නාර්ථයකි. අම්බලන්තොට පොලීසිය මින් පෙරද වතාවන් කිහිපයකදීම පුද්ගලයන් වධහිංසාවන්ට ලක්කරන බවට චෝදනා එල්ල වූ පොලිස් ස්ථානයකි. මෙවර අම්බලන්තොට පොලීසියේ වධහිංසනයට ගොදුරු වන්නේ අරවනමුල්ල බැරගම පදිංචි වීරගමගේ සේපාලිකා නැමැති තිදරු මවක්ය.
Read More >> (2011-06-19)
වෙළද කලාපයේ වෙඩි තැබීමේ සිද්ධිය මහේස්ත‍්‍රාත් අධිකරණයේ සියළුම නීතිඥවරු විත්තියේ පැත්ත ගනී
‘‘පොලීසියට පැති කිහිපයකින් ගල්මුල් ප‍්‍රහාර එල්ල වුනා. ඊට පසු පොලිස් නිලධාරීන් ඔවුන්ට කදුළු ගෑස් ප‍්‍රහාර එල්ල කළා. නමුත් ඔවුන් මෙල්ල වූ බවක් පෙනෙන්නට තිබුනේ නැහැ. කදුළු ගෑස්වලට දෙබරු ඇවිස්සිලා පොලිස් නිලධාරීන්ට හා සිවිල් නිලධාරීන්ට ඇන්නා. ඒ සමගම වෙඩි ප‍්‍රහාර මට ඇහුනා.’’ කටුනායක නිදහස් වෙළඳ කලාපයේ කම්කරුවන් විසින් විශ‍්‍රාම වැටුප් පනතට එරෙහිව පැවැත්වූ උද්ඝෝෂණයේදි පොලිස් වෙඩි ප‍්‍රහාරයෙන් මිය ගිය ඇගලූම් සේවකයාගේ මරණය සම්බන්ධව පැවැත්වෙන මහේස්ත‍්‍රාත් පරීක්ෂණයේ දී මීගමුව සහකාර පොලිස් අධිකාරී විජයානන්ද සිල්වා මහතා ඊයේ (2011-06-16) මීගමුව මහේස්ත‍්‍රාත් අධිකරණයේ දී සාක්ෂි දෙමින් එසේ පැවසීය.
Read More >> (2011-06-17)
ඬේවිඞ් අමරසිංහ ඝාතණයේ සැකකාර පොලිස් නිලධාරීන් නිදහස් කරයි
කිරිදිවැල පොලීසිය විසින් අත්අඩංගුවට ගැනීමෙන් පසු මියගිය ඬේවිඞ් අමරසිංහගේ මරණය සම්බන්ධයෙන් කිරිඳිවැල පොලීසියේ උපපොලිස් පරීක්ෂක ඩබ්. එස් කුලසුරීය හා කොස්තාපල් ලක්ෂ්මන්ද සිල්වා ට එරෙහිව පවත්නා නඩුව අද දිනයේ (16.06.2011) චූදිතයන් වන පොලිස් නිළධාරීන් නොමැතිව පූගොඩ මහේස්තරානා ත් සහ අතිරේක දිසා විනිසුරු අරවින්ද පෙරේරා මහතා ඉදිරියේ පූගොඩ මහේස්ත්‍රාත් අධිකරණයේදී විභාගයට ගැනුණු අතර වැඩිදුර විභාගය අගෝස්තු 04 වනදා දක්වා කල් තබන ලදී.
Read More >> (2011-06-16)
ඉහළ නියෝගයක් මත පහල නිලධාරියෙකු නීති විරෝධී ක‍්‍රියාවක් සිදුකලහොත් එම වරදට පෞද්ගලිකවම වගකියන්න ඕනෑ- නියෝජ්‍ය සොලිස්ටර් ජනරාල් කියයි.
"ඉහළ නිලධාරියෙකු දෙනු ලබන නීතිවිරෝධී නියෝගයක් ක‍්‍රියාවට නගන්නේ නැතුව එය ප‍්‍රතික්ෂේප කිරීමට පහළ නිලධාරියෙකුට හැකියාව තිබිය යුතුයි. එසේ නැතුව ඉහළ නිලධාරියෙකුගේ නියෝග මත යැයි කියමින් යම් නීති විරෝධී ක‍්‍රියාවක් සිදුකලහොත් ඉහල පහල භේදයක් නොමැතිව එය වරදට තමන් පෞද්ගලිකවම වගකිය යුතුයැයි අඟුගාන පොලිස් අත්තඩංගුවේ සිටි තරුනයින් දෙදෙනෙකු පැහැරගෙන ගොස් මරා දමන ලදැයි එහි හිටපු පොලිස් ස්තානාධිපති ඇතුළු නිලධාරීන් සිව්දෙනෙකුට එරෙහි පැමිණිල්ලේ දේශනය පවත්වමින් නියොජ්‍ය සොලිස්ටර් ජනරාල් ජයන්ත ජයසූරිය මහතා එම නඩුව විභාග කරන ත‍්‍රී පුද්ගල මහාධිකරණ විනිසුරු මඩුල්ල හමුවේ පැවසීය.
Read More >> (2011-06-16)
වෙළද කලාපයේ වෙඩි තැබීමේ සිද්ධියේ ගිණි අවි සහ උණ්ඩ රසපරීක්ෂක වෙත යැවීමට නියෝග
කටුනායක නිදහස් වෙළඳ කලාපයේ කම්කරුවන් විසින් විශ්‍රාම වැටුපට එරෙහිව පැවැත්වූ උද්ඝෝෂනයේදි වෙඩි තැබිමේ සිද්ධියට සැකපිට අත් අඩංගුවට ගත් පොලිස් නිලධාරින් දෙදෙනා දැඩි පොලිස් රැකවල් මධ්‍යයේ ඊයේ (2011-06-13) මීගමුව මහේස්ත‍්‍රාත් අධිකරණය වෙත ඉදිරිපත් කෙරුණි. එහිදි සැකකරුවන් සමග ටී-56 ගිනි අවි 8 ක් හා පතරොම් කොපු ඇතුළු නඩු භාණ්ඩ 26 අධිකරණය වෙත ඉදිරිපත් කෙරුණු අතර, එම ගිනිඅවි සහ පතොරම් කොපු රජයේ රසපරීක්ෂක වෙත යවා වාර්තාවක් කැදවීමට මීගමුව අතිරේක මහේස්ත්‍රාත් දුලානි එස්. වීරතුංග මහත්මිය නියෝග කරන ලදී. මෙම සිදුවිම පිලිබඳ සාක්ෂි දීමට නිදහස් වෙළඳ කලාපයේ කම්කරුවන් 14 දෙනෙකු කැදවා ඇති බවත් ඉන් ඳොලොස් දෙනෙකු පැමිණ සිටි බවට වාර්තා විය. නොපැමිණි අයට මීලග නඩු වාරයට සහභාගීවන ලෙසට අධිකරණයෙන් අවවාද කෙරිනි.
Read More >> (2011-06-14)
රාගම රෝහලේ අධ්‍යක්ෂකවරුන්ට මානව හිමිකම් කොමිසමෙන් අවවාද
‘යම් පුද්ගලයෙකු පොලීසියක රඳවාගෙන සිටින බව පැමිනිල්ලක් ලදොත් තම නිලධාරින් එහි යන්නේ පූර්ව දැනුම් දිමකින් හෝ අනන්්‍යතාව තහවුරු කෙරෙන ලිපි වලින් හෝ තොරවයි. එසේ කරන්නේ පැමිණිල්ලේ සත්‍ය තත්වය හෙලිකරගැනීම සඳහා යි’ - මානව හිමිකම් කොමිසමේ සභාපති ප‍්‍රියන්ත පෙරේරා මහතා- 2011 ඡුනී 10 - ලංකාදීප. මානව හිමිකම් කොමිසමේ සභාපති හිටපු ශ්‍රේෂ්ඨාධිකරණ විනිසුරු ප්‍රියන්ත පෙරේරා මහතා එසේ ප්‍රකාශ කර ඇත්තේ රාගම රෝහලේ අධ්‍යක්ෂ වෛද්‍ය යූ. එල්. ආර්. එච්. පෙරේරා මහතා සහ නියෝජ්‍ය අධ්‍යක්ෂිකා වෛද්‍ය චම්පා අලූත්වීර මහත්මිය ඊයේ මානව හිමිකම් කොමිසම හමුවේ පෙනී සිටි අවස්ථාවේදිය.
Read More >> (2011-06-11)
ප්‍රදීප් එක්නැලිගොඩ අතුරුදහන්කර දින 500 යි.
මාධ්‍යවේදී ප්‍රදීප් එක්නැලිගොඩ මහතා අතුරුදහන්කර මේ වන විට දින 500 ක් ඉක්මවී තිබේ. පසුගිය ජනාධිපතිවරණයට දින දෙකක් තිබියදී 2010 ජනවාරි 24 වන දින ඔහු අතුරුදහන් වූ අතර මේ වන තෙක් ඔහු පිළිබඳව කිසිදු තොරතුරක් හෙලිදරව් වී නොමැත. ඔහුගේ අතුරුදහන්කරවීම සම්බන්ධව සෑහෙන තොරතුරු ප්‍රමාණයක් පොලීසිය විසින් සොයා ගෙන ඇති බවත් එපිළිබදව ඉදිරියේ දී හෙලිකරන බවත් හිටපු පොලිස් මාධ්‍ය ප්‍රකාශයෙකු මීට මාස 6 කට ප්‍රථම ප්‍රකාශකර සිටියත්, මෙතෙක් සිදුකළා යැකි කියනු ලබන පරීක්ෂණ වලින් හෙලිවු කිසිවක් ඉදිරිපත්කර නැති අතර, මෙම සිද්ධියට සම්බන්ධව කිසිවෙකු අත්අඩංගුවට ගෙන ඇති බවක් හෝ මෙතෙක් වාර්තා වී නැත. ප්‍රදීප්ව සොයා දෙන ලෙස රජයට බල කරමින්, මෙම අතුරුදහන්කරවීම සම්බන්ධව සිදුකළ පරීක්ෂණ වාර්තා හෙලිදරව් කරන ලෙසත් ඉල්ලමින් ප්‍රදීප්ගේ බිරිද සන්ධ්‍ය එක්නැලිගොඩ හා පවුලේ සමාජිකයන් ඇතුළු දේශපාලන පක්ෂ, වෘත්තීය සමිති, සිවිල් හා මධ්‍ය සංවිධාන නියෝජිතයන්ගේ සහභාගීත්වයෙන් කොළඹ ලිප්ටන් වටරවුම අසලදී උද්ඝෝෂණයක් ඊයේ පැවැත් විය.
Read More >> (2011-06-09)
කලාපයේ අවුලට හේතුව ජවිපෙද?
පෞද්ගලික අංශයේ විශ්‍රාම වැටුප් පණතට එරෙහිව පසුගිය මැයි 24 වනදායි ඇරඹුණු කටුනායක නිදහස් වෙළද කලාපයේ කම්කරු නැගිටීම මැයි 30 වනදා වන විට පොලීසියේ නොමනා ක්‍රියාකලාපය නිසා ඉතා බිහිසුනු හා ම්ලේජ්ජ ස්වරූපයක් ගනු ලැබීය. එදින එල්ල කල වෙඩි ප්‍රහාරයන්ගෙන් 6 දෙනෙකු වෙඩි උණ්ඩයන්ට බිලි වු බව වාර්තා වූ අතර 200 කට ආසන්න පිරිසකට තුවාල සිදු විය. පසුව පොලිස් වෙඩි පහරින් තුවාල ලබා අසාධ්‍ය තත්ත්වයේ රාගම රෝහලේ ප්‍රථිකාර ලබමින් සිටි නිදහස් වෙළද කලාපයේ සේවය කළ රොෂේන් චානක ඡුනි 01 වෙනිදා රාත්‍රියේ මිය ගියේය. මෙම පණතට එරෙහිව මැයි 24 වැනිදා කටුනායක ඇරඹි සේවක උද්ඝෝෂණ වලින් පසුවත් පෞද්ගලික අංශයේ විශ්‍රාම වැටුප ඉතා හොඳ, සේවකයින්ට හිතකර යෝඡනාවක් බවට දිගින් දිගටම පෙන්වීමට රඡය සහ රඡයට සම්බන්ධ වෘත්තීය සමිති උත්සාහ කළහ. එම උත්සාහය මැයි 30 වනදා දක්වාම කටුනායක නිදහස් වෙළඳ කලාපය අවටත් තිබුණි. එහි ප්‍රථිපලය වුයේ 30 වනදා නැවත ඇරඹුණු සේවක උද්ඝෝෂණයයි. එම උද්ඝෝෂණය මැයි 24 වනදා උද්ඝෝෂණය මෙන් කොළඹ මිගමු ප්‍රධාන මාර්ගය දක්වා ගෙන එම නතර කිරීමට පොලීසිය දැඩි උත්සාහයක් දැරීය. ඊට හේතු වුයේ මැයි 24 උද්ඝෝෂණයේදී සේවකයන් විසින් මීගමුව, කොළඹ මහාමාර්ගයේ ගුවන් තොටුපල මංසන්දියේ (18 කණුව හන්දියේ) ඉදිකර තිබූ ඡනාධිපතිවරයාගේ දැවැන්ත කටවුට් එක කඩා බිඳ දැමීමයි. එදිනම නැවතත් ඡනාධිපතිවරයාගේ විශාල කටවුට් එකක් එම ස්ථානයේම සවිකර තිබූ අතර කලින් උද්ඝෝෂණයේ සිදුවීම නැවත නොවීමට පොලීසිය හැකි උපරිමය කළේය. එහි ප්‍රථිපලය වූයේ මෙම ම්ලේච්ඡ පහර දීම සහ වෙඩි තැබීමයි. ඉන් රොෂේන් චානක ඝාතනය වීමයි.
Read More >> (2011-06-08)
අත්අඩංගුවේ සිටින පොලිස් නිලධාරීන් වහාම නිදහස් කරන්න අභියාචනාධිකරණය පුගොඩ මහේස්ත‍්‍රාත්ට නියෝග කරයි
පොලිස් අත්අඩංගුවේ සිටියදී මිය ගිය කිරිඳිවැල ඬේවිඞ් අමරසිංහගේ මරණය සම්බන්ධයෙන් රිමාන්ඞ් භාරයේ පසු වූ කිරිඳිවැල පොලීසියේ නිලධාරින් දෙදෙනා වහාම නිදහස් කරන ලෙස ඊයේ (06වෙනිදා) අභියාචනාධිකරණය පූගොඩ මහේස්ත‍්‍රාත්වරයාට නියෝග කළේය. ඬේවිඞ් අමරසිංහගේ මරණය සම්බන්ධයෙන් මෙම පොලිස් නිලධාරින්ට එරෙහිව පූගොඩ මහේස්ත‍්‍රාත් අධිකරණය හමුවේ පැවැත්වෙන නඩු කටයුතු තව දුරටත් ඉදිරියට නොගෙන අත්හිටුවා පොලිස් නිලධාරින් දෙදෙනා කිසිදු කොන්දේසියකට යටත් නොකර නිදහස් කරන ලෙස අභියාචනාධිකරණය පූගොඩ මහේස්ත‍්‍රාත්වරයාට නියෝග කර ඇත.
Read More >> (2011-06-07)
නිදහසේ වේදිකාවේ උද්ඝෝෂණය පොලිස් අධිකාරී කාර්යාලයෙන් පැමිණ විඩියෝ ගතකරයි
කටුනායක නිදහස් වෙළඳ කලාපයේ සේවකයින් විසින් යෝඡීත පෞද්ගලික අංශයේ විශ්‍රාම වැටුපට එරෙහිව පැවැත්වූ විරෝධතාවයේදී පොලිස් වෙඩි පහරින් ඝාතනය වූ රොෂේන් චානකගේ ඝාතනය හෙළා දකිමින් නිදහසේ වේදිකාව විසින් ජුනි 04 වනදා සංවිධානය කර තිබූ උද්ඝෝෂණය මීගමුව සහ කටුනායක ප්‍රදේශ වලදී පැවැත් විය. පෙ:ව: 10.00 ට මීගමුව නගරයෙන් ආරම්භ වු මෙම උද්ඝෝෂණයේ දී ‘රොෂේන්ගේ මරණයට ආණ්ඩුව වගකිව යුතුයි’ යනුවෙන් වූ පෝස්ටර් අලවමින් සහ පත්‍රිකා බෙදමින් මීගමුව නගර තුල පැය 02 පමණ කාලයක් උද්ඝෝෂණයේ නියැඑනු පිරිස, පසුව මීගමුව තෙල්වත්ත මංසන්ංදියේ දී ඉහත දැක්වූ පෝස්ටර් ප්‍රදර්ශණය කරමින් සහ පත්‍රිකා බෙදමින් උද්ඝෝෂණයේ යෙදී සිටින ලදී. එම අවස්ථාවේ මීගමුව පොලිස් අධිකාරී කාර්යාලයෙන් පිටතට පැමිණි වීඞීයෝකරුවකු විරෝධතාවයේ යෙදී සිටි පිරිස් වීඞීයෝ කරනු ලැබීය. අනතුරුව කටුනායක නගරයේදී පෝස්ටර් අලවමින්, ප්‍රදර්ශණය කරමින් සහ පත්‍රිකා බෙදමින් පැයක පමණ කාලයක් විරෝධතාවයේ නිරත විය. එ අතරතුර සිවිල් ඇඳුමින් සැරසුනු සැක කටයුතු කිහිප දෙනෙක් විරෝධතාකරුවන් අසල ගැවසී ඇත.
Read More >> (2011-06-04)
රෝෂාන්ගේ ඝාතණයට එරෙහිව නිදහසේ වේදිකාවේ උද්ඝෝෂණ අද
පසුගිය මැයි 30 වෙනිදා කටුනායක නිදහස් වෙලඳ කලාපයේ සේවක උද්ඝෝෂණයේ දී මිය ගිය රොෂේන් චානක පොලිස් වෙඩි පහරින් මිය යාමත් සමගම දිගින් දිගටම අහිමි වෙමින් යන අදහස් ප්‍රකාශ කිරීමේ හා ජීවත්වීමට ඇති අයිතියත් මුල්කර ගනිමින් නිදහසේ වේදිකාව විසින් උද්ඝෝෂණ මාලාවක් පැවැත්වීමට නියමිත බවත්, අද දිනයේ (ඡුනි 04) ප්‍රදේශ කිහිපයක උද්ඝෝෂණ මාලාවක් පැවැත්වීමට තීරණය කර ඇති බවත් එහි ප්‍රකාශකයෙකු අප සමග පැවසීය.
Read More >> (2011-06-03)
දුප්පත් කම්කරුවන් වෙනුවෙන් සටන්කළ මගේ පුතා මට වීරයෙක්
‘සේවක උද්ඝෝෂණයට එක් නොවී පැත්තක හිටපු රත්තරන් පුතා නිකරණේ වෙඩි කාලා මියදුනත්, පුතාට වෙඩි වැදුනේ දුප්පත් කම්කරුවන් වෙනුවෙන් කල සටනක් අවස්ථාවේ නිසා ඔහු මට වීරයෙක්. අපේ මහ එවුන් කියලා ඉන්න අයගේ මොලේ පෑදුන දාට මේ වගේ අපරාධ සිද්ධ වෙන එකක් නෑ.’ (මැයි 30 වනදා නිදහස් වෙළඳ කලාපයේ සේවක උද්ඝෝෂණයේදි පොලිස් වෙඩි පහරට ලක්වී ඡුනී 01 වෙනිදා රාගම රෝහලේදී මිය ගිය රොෂේන් චානකගේ පියා -2011-06-03 ලංකාදීප) මෙම ප‍්‍රකාශය පිළිබඳව රටේ සියඑම පුරවැසියන් අවධානය යොමු කල යුතුය. මන්ද මැයි 24 වනදා නිදහස් වෙලඳ කලාපයේ ආරම්භ කළ උද්ඝෝෂනයත් ඉන්පසු 30 වෙනිදා පැවති උද්ඝෝෂණයට පොලීසිය අමානුෂික ලෙස පහර දීමත් එතැන් සිට එම සිදුවීම පිළිබඳව රඡය සහ විවිධ පාර්ශවයන් දැක්වූ අදහස් සහ ප‍්‍රචාරයන් සලකා බලන විටදීය. විශේෂයෙන්ම රඡය සෑම විටම උත්සහ කලේ සේවකයින් නොමග යවමින් යම් යම් දේශපාලන පක්ෂ විසින් රඡුය අපහසුතාවයට පත් කිරිමටත්, ඡත්‍යන්තරය හමුවේ රඡය අපකීර්තියට පත්කිරීමටත් මෙම සිදුවීම කල බවය.
Read More >> (2011-06-03)
පොලීසිය විසින් සිදුකල අමානුෂීක පහරදීම පිළිබදව ටොරයිඞ් ආයතනයේ සේවිකාවක් හෙළි කරයි.
කටුනායක වෙළද කලාපයේ පිහිටි ටොරයිඞ් ආයතයේ සේවය කරන ඉන්දානි රජය මගින් පෞද්ගලික අංශය සඳහා ගෙන එමට යෝජීත විශ්‍රාම වැටුප් ක්‍රමයට එරෙහි පැවති විරෝධතාවයට පොලීසිය විසින් එල්ල කරන ලද අමානුෂීය පහර දීමට ලක්ව මේ වන විට මීගමුව රෝහලේ නේවාසික ප‍්‍රතිකාර ලබයි. ඇයත් සමඟ ප්‍රහාරයට ලක්වූ 200 කට ආසන්න ප්‍රමාණයක් රෝහල් ගත කර තිබූ අතර මේ වන විට ඇයත් සමඟ බරපතල ලෙස ප්‍රහාරයට ලක්වූ 30 ට ආසන්න ප්‍රමාණයක් ඊයේ වන විටත් මීගමු රෝහලේ ප‍්‍රතිකාර ලබමින් සිටින බවට සේවක සේවිකාවෝ ප්‍රකාශ කලහ. පොලීසිය යනු කිසිදු ආකාරයේ මානුෂීය ගුණයක් සහිත පුද්ගලයන් පිරිසකගෙන් සමන්විත ආයතනයක් නොවන බවට දැන් තමන්ට වැටහෙන බව මේ අමානුෂීය පහර දීම මගින් සක් සුදක් සේ පැහැදිලි වූ බව ඇය අප වෙත ප්‍රකාශ කරන ලදී.
Read More >> (2011-06-03)
රෝෂේන්ගේ ඝාතණයට එරෙහිව නොකඩවා උද්ඝෝෂණ
කටුනායක නිදහස් වෙලද කලාපයේ සේවක උද්ඝෝෂණයේ දි මිය ගිය රොෂේන් චානක මහතාගේ මරණයට විරෝධය පා ඊයෙත් (2011/06/2) ස්ථාන කිහිපයක උද්ඝෝෂණ පැවැත් විය. ජා ඇල රැක්මනීදේවී පිළිමය ඉදිරිපිට, හා සීදුව යන ස්ථානවල ඛ්‍රෑන්ඩෙකස් ආයතනවල සේවක සේවිකාවන් විසින් ද නුගේගොඩ, ගංගොඩවිලදී ජයවර්ධනපුර විශ්වවිද්‍යාලයේ සිසුන් විසින්ද, කොළඹ, ලිප්ටන් වටරටුමේ ජනතා විමුක්ති පෙරමුණ විසින්ද, කටුනායක 18 කණුව අසලදී නිදහස් වෙළද කලාපයේ සේවක සේවිකාවන් සමග වෘත්තී සමිති හා සිවිල් සංවිධාන නියෝජිතයන්ගේ සහභාගීත්වයෙන් මෙම උද්ඝෝෂණ පැවැත්විය.
Read More >> (2011-06-03)
Page 90 Of 96

<<
1
...
87
88
89
90
91
92
...
96
>>
www.right2lifelanka.org