More News
MORE NEWS
නොසැලිකිලිමත් ශල්‍ය කර්මයකින් දෙදරු පියෙකුගේ වකුගඩුවක් ඉවත් කිරීමට එරෙහිව වෛද්‍ය සභාව පරීක්ෂණ අරභයි
2010 ජුනි 21 වන දින මීගමුව රෝහලේ දි නොසැලිකිලිමත් ලෙස සිදු කළ සැත්කමකින් පහල මඩම්පැල්ල, කටාන පදිංචි දෙදරු පියෙක් වූ සුපුන් පියල් මහතාගේ දකුනු වකුගඩුව සම්පුර්ණයෙන් ඉවත් කර තිබේ. මෙම සැත්කම සිදු කර තිබුනේ එවකට මීගමුව මූලික රෝහලේ ශල්‍ය වෛද්‍යවරයා ලෙස සේවය කළ ජූඞ්.ආර්. විජේසේකර මහතා විසිනි. නොසැලිකිලිමත් ලෙස සිදුකළ මෙම සැත්කම සම්බන්ධව 2010 සැප්තැම්බර් 24 වන දින පොලිස්පති, නියෝජ්‍ය පොලිස්පති, ජේෂ්ඨ පොලිස් ආධිකාරි මීගමුව හා මීගමුව පොලිස් ස්ථානාධිපති වෙත සුපුන් විසින් ලිඛිතව පැමිණිලි කර තිබේ. අමතරව වෛද්‍ය සභාව හා සෞඛ්‍ය අමාත්‍යශය වෙතත් පැමිණිලි කර තිබුනි. වෛද්‍ය සභාවට කරන ලද පැමිනිල්ලට අවුරුද්දක් පිරීමට දින දෙකක් ඉතිරිව තිබියදී සුපුන්ගේ දුක් ගැනවිල්ල වෛද්‍ය සභාවේ ප‍්‍රාථමික කි‍්‍රයා මාර්ග කමිටුව වෙත යොමු වී ඇති අතර එහි මූලික විභාගය සැප්තැම්බර් 22 වන දින පැවැත්වීමට නියමිත බව දන්වා තිබේ.
Read More >> (2011-09-19)
කටුනායක පහරදීමට එරෙහිව තවත් මූලික අයිතිවාසිකම් පෙත්සම් තුනක්
යෝජිත විශ‍්‍රාම වැටුප් අරමුදල් පණත් කෙටුම්පතට එරෙහි ව මැයි 30 දා කලාප සේවකයන් විසින් දියත් කළ උද්ඝෝෂණයේ දී පොලිස් පහර කෑම්වලට ලක් ව බරපතල තුවාල ලැබූ නිදහස් වෙළඳ කලාප සේවක සමීර සඳරුවන්, ජයතිලක, ප‍්‍රදීප් කුමාර යන පුද්ගලයන් වෙනුවෙන් මූලික අයිතිවාසිකම් පෙත්සම් 3ක් අද (2011.09.15) ශ්‍රේෂ්ඨාධිකරණයේදී අග විනිසුරු ශිරානි බණ්ඩාරනායක මහත්මිය ඉදිරියේ මුල් වරට සලකා බැලීමට යෙදිණ. පැමිණිල්ල වෙනුවෙන් නීතිඥ ජේ. සී. වැලිඅමුණ, නීතිඥ පාලිත පීරිස්, නීතිඥ පුලස්ති හේවාමාන්න ඇතුථ නීතිඥ මහත්වරු පිරිසක් පෙනි සිටි අතර විත්තිය වෙනුවෙන් පෙනී සිටියේ ජේෂ්ඨ සොලිස්ටර් ජෙනරාල් පාලිත ප‍්‍රනාන්දු, නීතිඥ ලක්මාලි ඇතුථ මහත්ම මහත්මීන් පිරිසකි.
Read More >> (2011-09-16)
ඇවරිවත්ත ශෛලබිම්බාරාමයේ ගේට්ටුවට ඉබි යතුරු වැටීම
පෞද්ගලික අංශයේ විශ‍්‍රාම වැටුප් පණතට විරෝධය දැක්වීමේ උද්ඝෝෂණයේ යෙදී සිටියදී පොලිස් වෙඩි තැබීමකට ලක්ව ඝාතනය වූ, නිදහස් වෙළඳ කලාප සේවක රොෂේන් ශානකගේ තුන් මස් සැමරුම 2011 සැප්තැම්බර් 01 වන යොදා තිබුනි. නිදහස් වෙළඳ කලාප සහයෝගීතාව විසින් සංවිධානය කෙරුනු මෙම සැමරුම ඇවරිවත්ත ශෛලබිම්බාරාමය අසලදී පැවැත්විමට සුදානම් කර තිබු අතර ඒ සම්බන්ධව ශෛලබිම්බාරාමයේ විහාරාධිපති වහන්සේ ගේ එකගත්වය ලැබී තිබුණි. ඒ අනුව සැමරුම ගැන සදහන් විශාල ප‍්‍රමාණයේ පුවරුවක් විහාරස්ථානය ඉදිරිපිට වම් පැත්තට වෙන්න එල්ලා තිබු අතර විහාරස්ථානයේ ඉදිරිපිට තාප්පයේ සුදු කොඩි එල්ලා සරසා තිබුනි.
Read More >> (2011-09-15)
අද කිසිදෙයක් ගැන දැනගන්න විධියකුත් නැහැ, ඒවා දැනගන්න කාටවත් උවමනාවකුත් නැහැ - ඩබ්ලිව් ජයසිරි
‘‘අද ජාතික රූපවාහිනියේ පෙන්වනු ලබන චිත‍්‍රපටවල වැඩිපුර දක්නට ලැබෙන්නේ කොටු. පෙම්වතෙක් පෙම්වතියට ළංවෙනකොට කොටු, සිගරට් එකක් බොනකොට කොටු, අඩියක් ගහනකොට කොටු. ඉතින් පෙන්වන පෙන්වන ඒකට කොටු දාලා අරක්කු සිගරට් බොන ඒක නවත්වන්න පුළුවන්ද? මේ සියල්ලම නවතිනවද? නෑ. ඒ කාලේ සිගරට් අරක්කු බොන්නේ දුෂ්ඨයා. පෙම්වතා අහිංසක චරිතයක්. එයා සිගරට් අරක්කු බොන්නේ නෑ. එදා එහෙමයි ඒ දර්ශන අඩංගු චරිත සමාජ ගතවීම වැලැක්වුවේ. කොටු දාලා නෙමේ. අද උදේ ඉදන් හවස වෙනකම් පිරිත් අනම් මනම් දාලා තියෙනවා. ඉතින් ඒවයින් ලංකාව සුරපුරයක් වූනාද?
Read More >> (2011-09-13)
ඬේවිඞ්ගේ ඝාතනයෙන් නොනැවතුනු කිරිඳිවැල පොලීසිය
ගම්පහ දිස්ත‍්‍රික්කයේ පිහිටි කිරිඳිවැල පොලිස් ස්ථානය දිගින් දිගටම අහිංසක මිනිසුන්ට පහරදීමේ සිට ඝාතනය කිරීම දක්වා නමක් දිනාගත් පොලිස් ස්ථානයකි. එහි අලූත්ම ගොදුර බවට පත්ව සිටින්නේ පැපිලිවල පදිංචි චමින්ද සනත් කුමාරයි. 2011.08.24 වන දින කිරිඳිවැල පොලීසිය විසින් පවුල් ආරවුලක් සම්බන්ධයෙන් අත්තඩංගුවට ගැනීමට ගිය අවස්ථාවේ චමින්ද නිවස තුල ඇද වැටීම නිසා හිසේ කුඩා තුවාලයක් ඇති වී තිබේ. පොලීස් නිළදාරීන් ඉදිරිපිටදීම වැටීම නිසා ඇතිවූ තුවාලයෙන් ලේ ගැලීම අයිස් තැබීම නිසා නැවතී ඇති අතර පසුව එම නිළධාරීන් විසින් චමින්දව කිරිදිවැල පොලිස් ස්ථානයට ගෙන ගොස් ඇත. පොලීසිය තුලදී පොලිස් නිළධාරීන් විසින් චමින්දට අමානුෂීය ලෙස පහරදී තිබේ. පොලිස් නිළධාරීන්ගේ පහරකෑමට ලක්වීම නිසා අසාධ්‍ය වන චමින්දව පොලීසිය විසින් රදාවාන රෝහලට ඇතුලත් කර තිබේ. එදිනම රාත‍්‍රී 1 ට පමණ අසල්වැසි නිවසකට දුරකථන ඇමතුමක් ලබාදී ඇති පොලිස් නිළධාරීන් චමින්දට ආමාරුවී රදාවාන රෝහලට ඇතුලත් කර ඇති බවත් ඉක්මනින් රෝහලට පැමිණෙන ලෙස දන්වා ඇත. චමින්දගේ බිරිඳ ඇතුළු ඥතීන් රදාවාන රෝහලට ගිය අවස්ථාවේ නිවැසියන් විසින් රෝගියා රෝහලට ඇතුලත් කල බවට සඳහන් කරන ලෙස නිවැසියන්ගෙන් ඉල්ලීමක් කර ඇති අතර නිවැසියන් එය ප‍්‍රතික්ෂේප කර තිබේ. පසුව නිවෑසියන් විසින් රෝගියාව ඇතුලත් කල බවට සඳහන් කරන ලෙස රෝහල් පරිපාලනයටද බලපෑම් කර ඇත.
Read More >> (2011-09-09)
කටුනායක සිදුකළ මෘග පොලිස් ප‍්‍රහාරය හෙලා දකිමින් මිය ගිය හා තුවාල ලැබූවන් සිහිකර කොළඹ දී උද්ඝෝෂණ
ඒකාබද්ධ වෘත්තීය සමිති සන්ධානයේ මෙහෙයවීමෙන් උද්ඝෝෂණ ව්‍යාපාරයක් 30 වන දා සවස 4.00ට කොළඹ ලිප්ටන් වටරවුමේදී පැවැත්වී ය. පෞද්ගලික අංශයේ සේවකයින් සඳහා යෝජනා කරනු ලැබූ විශ‍්‍රාම වැටුප් පණතට එරෙහි ව කළ අරගලයේ දී පොලිස් වෙඩි පහරින් මිය ගිය රොෂේන් ශානක සහ තුවාල ලැබූ සේවක සේවිකාවන්ට සහය පළ කරමින් මෙම උද්ඝෝෂණය පැවැත්වීය.
Read More >> (2011-09-01)
කැකිරාව පොලීසිය කරණවෑමියෙකු කසිප්පු කාරයෙකු කරයි
කැකිරාව කාගම පදිංචි ගයාන් ඉන්දික එක් දරුපියෙක් වන අතර ඔහු රැකියාව ලෙස දෛනික වැටුපට කරණවෑමි රැකියාව සිදුකරයි. 2011.08.07 වන දින ගයාන් තමාගේ පෞද්ගලික ගමනක් යමින් සිටියදී සිවිල් ඇදුමින් සැරසී සිටි කැකිරාව පොලීසියේ නිළධාරීන් පිරිසක් විසින් ඔහු යන ගමන වලක්වා නම කුමක්දැයි විමසා තිබේ. තමා ගයාන් බවත් ඔය අය කවුදැයි පෙරළා ගයාන් විසින් ප‍්‍රශ්න කර තිබේ. එවිට එම නිළධාරීන් උඔ කසිප්පු විකුණනවා නේදැයි අසමින් වහාම කසිප්පු දෙන ලෙස පවසා තිබේ. තමා කසිප්පු නොවිකුවණ බවත් තමා රැකියාව වශයෙන් කරන්නේ කරණවෑමි වෘත්තිය බව ප‍්‍රකාශ කිරීමේන් අනතුරුව මෙය ගොඩින් බේරා ගැනීම සඳහා මුදල් ලබාදෙන ලෙස එම කැකිරාව පොලීසියේ නිළධාරීන් විසින් ප‍්‍රකාශ කර තිබේ. ගයාන් විසින් එය ප‍්‍රතික්ෂේප කලවිට අසල කැලයකට ගෙනගොස් විවිධ ආකාරයේ ඉරියව් වලින් හිදුවා ගිනිසීරියා, කෝන් ලී වලින් පහර දී තිබේ.
Read More >> (2011-09-01)
කටුනායක පොලිස් ප‍්‍රහාරයෙන් මිය ගිය හා තුවාල ලැබූවන් සිහිකෙරේ
රජයේ යෝජිත පෞද්ගලික අංශයේ විශ‍්‍රාම වැටුප් පණතට විරෝධය දැක්වීමේ උද්ඝෝෂණයේ යෙදී සිටියදී පොලිස් වෙඩි තැබීමකට ලක්ව ඝාතනය වූ, නිදහස් වෙළඳ කලාප සේවක රොෂේන් ශානකගේ තුන් මස් සැමරුම අද (2011 සැප්තැම්බර් 01 වන) දිනට යොදා ගෙන ඇති අතර ඒ සඳහා රොෂේන් ශානකගේ පවුලේ සාමාජිකයන් ද, තුවාලලත් සේවක සේවිකාවන් ද, සෙසු සහෝදර සේවක පිරිස ද සහභාගී වීමට නියමිත ය.
Read More >> (2011-09-01)
අතුරුදහන්කරවීම්වලට එරෙහිව පොදු වැඩපිළිවෙලක් සැකසීම සදහා නියෝජිත සමුළුවක්
අතුරුදහන්කරවිම්වලට එරෙහි ජාත්‍යන්තර දිනය නිමිත්තෙන් සියළුම ආකාරයේ අතුරුදහන්කරවීම්වලට එරෙහිව පොදු වැඩපිලිවෙලක් ගොඩනැගම සදහා අතුරුදහන්කරවීම්වලට එරෙහිව කි‍්‍රයාත්මක වන සිවිල් සංවිධාන හා මානව හිමිකම් කි‍්‍රයාධරයන් ගේ සහ අතුරුදහන්වූවන්ගේ පවුල්වල සාමාජිකයන්ගෙන් සමන්විත සමුළුවක් 2011.08.30 වන දින කොළඹ රාජගිරියේ ජාතික වතු සේවක සංගම් ශාලාවේදී පැවැත් විය. සමාරම්භක අවස්ථාවේදී සියළුම අකාරයේ අතුරුදහන්වුවන් සිහිකිරීම සදහා මිනිත්තුවක නිහඩතාවයකින් ඔවුන් වෙත ගෞරවය දැක්වීමෙන් පසුව සීදුව රද්දාළුව හන්දියේ ගොඩනගා ඇති අතුරුදහන්වුවන්ගේ ස්මාරකයේ අනුරුවක් වටා පහන් දැල්වීමෙන් පසුව උත්සවයේ කටයුතු ආරම්භ කරන ලදී.
Read More >> (2011-09-01)
මීගමුව නගරය අද දුෂීතයන්ගේ නගරයක් බවට පත්වෙලා - බි‍්‍රටෝ ප‍්‍රනාන්දු
අවුරුදු පහකට ආසන්න කාලයක් තිස්සේ මීගමුව බස්නැවතුම්පොල හදනවා ජනතාව වැස්ස දවසට මඩ නාගෙන, පායන කාලයට ඇදුම හැදෙනකන් දුවිලී නාගෙන ගියත් කිසිම ගානක් නැහැ. අද බස්නැවතුම්පල කොන්ත‍්‍රාත් එක කරන්නේ මුලින් කොන්ත‍්‍රාත් ගත්ත මනුස්සයා නෙමේ. මීගමුවේ ජනතාව කවුරුවත් බස්නැවතුම්පලේ වැඩකටයුතු ප‍්‍රමාද වෙලා තියෙන්නේ ඇයි? බස් නැවතුම හදන්න කීයක් ඇස්තමේන්තු ගත වෙලාද? කීයක් මේවෙනකොට වියදම් වෙලාද? කියලා අහන්න බයයි, මීගමුවේ සුගත් නිෂාන්තගේ ඝාතනයට පොලිස් ස්ථානාධිපති සැකකරනවයි කියලා සුගත්ගේ බිරිද කියනවිට ඒ සඳහා අපි නීති ආධාර ලබාදෙන්න උනන්දු වුනා, අපි නීති ආධාර ලබාදීලා මීගමුව පුරවරයේ අපරාධ මැඩලන්න ක‍්‍රියා කරන පොලිස් ස්ථානාධිපතිට එරෙහිව රාජ්‍ය නොවන සංවිධානයක් ක‍්‍රියාත්මක වන නිසා වහාම ඒ පිළිබඳව සොයලා බලන්න ඔනෑ කියලා මීගමුව නගර සභාවේ මන්ත‍්‍රීවරු අපේ සංවිධානය ගැන හොයන්න නගර සභාවේ යෝජනාවක් සම්මත කරගත්තා. අද මොකද වෙලා තියෙන්නේ මීගමුව නගර සභාව කිවිව ඒ පොලිස් ස්ථානාධිපති රත‍්‍රං හොරකමක් සම්මන්ධයෙන් අධිකරණය මගහරිමින් ඉන්නවා "තොරතුරු හෙළිකරණු" මීගමුව රැක්මණිදේවි රඟහලේ සංවිධානය කරන ලද සම්මන්ත‍්‍රණයේදී අතුරුදහන්වුවන්ගේ පවුල් එකතුවේ සභාපති සිවිල් සමාජ ක‍්‍රියාකාරිකයෙකු වන බි‍්‍රටෝ ප‍්‍රනාන්දු මහතා විසින් මෙම අදහස් ප‍්‍රකාශ කරන ලදී.
Read More >> (2011-08-30)
පුත්තලම දිස්ති‍්‍රක්කයේ තවත් මානව හිමිකම් කි‍්‍රයාකාරිකයෙක් ඝාතනය කෙරේ.
කල්පිටි පාර, නොරොච්චෝලේ පදිංචි තිස් දෙහැවිරිදි, පෙරුමාල් සිවකුමාර කීර විකිණීමෙන් සිය ජීවිතය ගැටගසා ගන්නා තිදරු පියෙකි. සිවකුමාර මීට අවුරුදු 5 කට ප‍්‍රථම හදවත් සැත්කමකට භාජනය වී ඇති අතර ඒ සම්බන්ධව ඔහු දිගටම ප‍්‍රතිකාර ගනිමින් සිට තිබේ. 2011 අගෝස්තු 22 වන දින ඔහු ලබාගන්නා ඖෂධ අවසන් වී තිබූ නිසා සවස 5.00 ට පමණ ඔහුගේ හිතවතෙකු වන ජනක ප‍්‍රදීප් සමග කල්පිටියේ ඇති ෆාමසියක් වෙත ගොස් තිබේ. මේ අවස්ථාවේ කල්පිටිය පල්ලියේ සීනුව හදිසියේ දිගින් දිගටම නාද වී ඇති නිසා කතෝලිකයෙකු වූ සිවකුමාර හා ජනක පල්ලිය පැත්තට ගොස් ඇති අතර ඒ අවස්ථාවේ ප‍්‍රදේශවාසීන් 500 කට වැඩි පිරිසක් ඒ ආසන්නයේ රොක් වී සිටිනු දැක තිබේ. එසේ හදිසියේ සීනුව නාද කිරීමට හේතුව ලෙස එහි සිටි අය කියා ඇත්තේ ගී‍්‍රස් යකෙකු එම ප‍්‍රදේශයට පැමිණ ඇති බවට ආරංචියක් පැතිර ඇති නිසා මෙසේ සීනුව හඩනගා ඇති බවයි.
Read More >> (2011-08-23)
පරිස්සමෙන් ඔබටත් මෙවැනි දුරකථන ඇමතුම් ලැබිය හැකියි
හක්මන වේපතඉර පදිංචිකරුවෙකු හා විශ‍්‍රාමික ගුරුවරයෙකු වූ කේ. ඒ හේමසිරි මහතාගේ නිවසට පසුගියදා (2011.08.17) හදිසියේ දුරකථන ඇමතුමක් ලැබී තිබේ. ඒ අවස්ථාවේ ඔහු නිවසේ නොසිටි බැවින් හේමසිරි මහතාගේ බිරිදට කතා කළ තැනැත්තා තමන් වව්නියාව ත‍්‍රස්ත විමර්ශණ එක්කයේ අයි.පී. ගුණවර්ධන බවත් හේමසිරි මහතාගේ දුරකථනයෙන් ගත් ඇමතුම් සම්බන්ධව පරීක්ෂණයක් ආරම්භ කර ඇති බවත් ඒ නිසා ඔහු සිටිනා ස්ථානයේ දුරකතන අංකයක් ඉල්ලා තිබේ. ඒ අනුව හේමසිරි එම අවස්ථාවේ ඔහුගේ පුතාගේ නිවසට ගොස් සිටි නිසා එම දුරකථන අංකය ඔහුට ලබා දී තිබේ.
Read More >> (2011-08-22)
රොෂේන් චානකගේ ඝාතනයට සැකපිට රක්ෂිත බන්ධනාගාර ගතව සිටි පොලිස් නිළධාරීන් දෙදෙනාට ඇප
රජය විසින් ගෙන ඒමට නියමිත ව තිබූ පෞද්ගලික අංශයේ යෝජිත විශ‍්‍රාම වැටුප් පනත් කෙටුම්පතට එරෙහි ව මැයි මස 30 වන දා කටුනායක වෙළඳ කලාප සේවකයන් විසින් මෙහෙයවන ලද උද්ඝෝෂණයට අමානුෂික අන්දමින් පොලිසිය විසින් පහර දෙනු ලැබිණි. මෙම පොලීසියේ මෘග ප‍්‍රහාරයෙන් කලාප සේවක සේවිකාවන් 300කට ආසන්න ප‍්‍රමාණයක් බරපතල තුවාල ලැබූ අතර පොලීසිය විසින් සිදුකරනු ලැබු වෙඩි තැබීමෙන් පුද්ගලයන් 6 දෙනෙකු වෙඞී වැදී රෝහල් ගතකරන ලදී. වෙඞී වැදීමෙන් තුවාල ලැබු කිහිප දෙනෙකු මේවනවිටත් ප‍්‍රතිකාර ලබමින් සිටී. පොලීසියේ වෙඩි ප‍්‍රහාරයට ලක්ව ප‍්‍රතිකාර ලබාගැනීමට රෝහල් ගතකිරීමට පොලීසිය විසින් බාධා කිරීම නිසා රොෂේන් චානක (22) තරුණයා මරණයට පත් විය. මරණයට හේතු ලෙස වෙඩි පහර උකුල් ඇටය ප‍්‍රදේශයෙන් සිරුරට ඇතුළු වී අභ්‍යන්තර ඉන්ද්‍රීයන්ට සිදු කරන ලද බරපතල හානි සහ අධික ලෙස සිදු වූ රුධිර වහනය වීම ලෙස ප‍්‍රකාශ වූ අතර මෙම උද්ඝෝෂණයට පහරදීමේ වගකීම භාරගනිමින් පොලිස්පති මහින්ද බාලසූරිය මහතා ඉල්ලා අස්වූ බව ප‍්‍රකාශ වූ නමුදු පසුව ඔහු බ‍්‍රසීලයේ තානාපති තනතුරට යෝජනා වූ බව මාධ්‍යයන්හි පලවිය.
Read More >> (2011-08-17)
සම්පත් පෙරේරා නිදහස් ?
මීගමුව, තලාදුව පදිංචි සම්පත් පෙරේරා 2009/07/29 වන දින කදිරාණ දේවස්ථානය වෙත ගොස් සිටි අවස්ථාවේ එහි ඇති පිංකැටය කැඞීම සම්බන්ඳයෙන් ගම්වාසින් විසින් සැක කොට පහර දි මීගමුව පොලීසීය වෙත භාරදී තිබුනි. ගම්වාසීන් විසින් සිදුකල මෙම පහරදීම නිසා සම්පත්ගේ පාදයේ අස්ථියක් බිදී ගොස් තිබුනි. මෙසේ අමානුෂිකව සම්පත්ට පහරදෙනු දුටු 15 හැවිරිදි දරුවෙකු තමන් පිං කැටය කඩා රුපියල් 38 ක මුදලක් ගත් බවත් සම්පත් ඊට සමිබන්ධ නැති බවටත් ප‍්‍රකාශ කර සිටියදීත් සම්පත්ට අමානුෂීය ලෙස පහර දී තිබුනි. පොලිසියට භාර දිමෙන් අනතුරුව ස්ථානාධිපති සෝමසිරි ලියනගේ (රත‍්‍රං සොරකමක් සම්බන්ධයෙන් මේ වනවිට අත්තඩංගුවට ගැනීමට සොයන) විසින් සම්පත් ගේ අස්ථි බිඳී ඇති කකුලට වෛද්‍ය ප‍්‍රතිකාර ලබා දීම වෙනුවට සිදු කොට ඇත්තේ තමන්ගේ බූට්ස් පැලැඳි දෙපා වලින් බිඳි ඇති පාදය වෙත පහර දී වරද පිලිගන්නා ලෙස තර්ජනය කිරිමයි.
Read More >> (2011-08-16)
විශේෂ බලකා සෙබල මධුෂංකගේ මරණය සියදිවිනසා ගැනීමක්ද? ඝාතණයක්ද?
විශේෂ කාර්යය බලකා සේවයේ යෙදි සිටියදි මිය ගිය සෙබළෙකුගේ සිරුරක් පසුගියදා නැවත ගොඩ ගැනුනා. මෙලෙස ගොඩ ගනු ලැබුවි 2010 වසරේ අගෝස්තු මාසයේ දී තම සේවා ස්ථානය තුළදී වෙඩි තබාගෙන සියදිවි නසාගනු ලැබුවේ යැයි හමුදාව විසින් පවසා භූමදානය කරනු ලැබු තුම්මෝදර පදිංචිව සිටි විසි හැවිරිදි එන්. පි. මධුෂංක නැමැත්තාගේ සිරුරයි. මෙම මරණය සැක සහිත මරණයක් බවට මුලතිව් අධිකරණය හමුවේ මධුෂංකගේ මව විසින් ගොනු කර තිබූ නඩුවකට අනුව ලද නියෝගයක් මත මෙම මරණය මීනීමැරුමක් විය හැකි බවට සැකකර සිරුර නැවත පසුගිය ජුලි 26 දා නැවත ගොඩ ගන්නා ලදි.
Read More >> (2011-08-16)
රොෂේන්ගේ මරණය සම්බන්ධව සාධාරණ නඩු විභාගයක් ඉල්ලා උද්ඝෝෂණයේ
කටුනායක නිදහස් වෙළඳ කලාපයේදි වෙඩි තබා ඝාතනය කල රොෂේන් ශානකගේ නඩු දිනය යෙදි තිබු අද දිනයේ (2011.08.15) එම ඝාතනය හෙළා දකිමින් එ වෙනුවෙන් යුක්තිය හා සාධාරණය ඉෂ්ඨ කර දෙන ලෙස ඉල්ලමින් මීගමුව මහේස්ත‍්‍රාත් අධිකරණය ඉදිරිපිටදි සාමකාමි උද්ඝෝෂණයක් පැවැත් වුණි. මෙම උද්ඝෝෂණය සදහා රෝෂේන් ශානකගේ පවුලේ ඥතීන්, පුජ්‍ය පක්ෂය, ප‍්‍රදේශයේ මානව හිමිකම් කි‍්‍රයාකාරිකයන් වෘත්තීය සමිති නියෝජිතයන් සහභාගී වූ අතර එ අවට විශාල පොලිස් ආරක්ෂාවක් සපයා තිබුණි. උද්ඝෝෂණය අතරතුර එම ස්ථානයට පැමිනි උප පොලිස් පරීක්ෂකවරයෙකු උද්ඝෝෂණයේ සංවිධායෙකු වූ බි‍්‍රටෝ ප‍්‍රනන්දු මහතා වෙත පැමිණ සහකාර පොලිස් අධිකාරි ආනන්ද ප‍්‍රනාන්දු මහතා එන්න කියූ බව පවසා තිබේ.
Read More >> (2011-08-15)
මහජන කොමිෂන් සභා පිහිටුවීමේ මුලික සාකච්ඡා
ඔබටත් මටත් උරුමයෙන් යම් කිසි අයිතිවාසිකම් කොටසක් හිමිවී තිබේ. නමුත් එම හිමිකම් දීර්ඝ කාලයක් තිස්සේ බුක්ති නොවිද සිටි නිසා එම හිමිකම් වල ඇති වරප‍්‍රසාදය කිසිදා ඔබට ලබා ගැනීමට නොහැකිව ඇත. ඉතාම සුළු පිරිසක් එම උරුමයේ වරප‍්‍රසාදය ලබමින් සිටින අතර බොහෝ අය එවැනි උරුමයක් තමන්ට ඇති බව පවා පිළිනොගනී. නොඑසේනම් එ පිළිබදව නොදනී. බොහෝ කලක් තිස්සේ තමන්ට ඇති උරුමය බුක්ති නොවිද සිටීම නිසාත්, එය අන් අය බුක්ති විදින නිසාත්, අද අපගේ එම උරුමයන් බලවතුන්ගේ ‘‘බුක්තියට සවිවී’’ අපෙන් අහිමිවෙමින් තිබේ.
Read More >> (2011-08-15)
'තොරතුරු හෙලිකරණු' සම්මන්ත‍්‍රණ මාලාවක්
කොළඹ සහ කුරුණෑගල පැවැති සාර්ථක රැස්වීම්වලින් පසුව එවැනි සම්මන්ත‍්‍රණ අනෙකුත් දිස්ති‍්‍රකයන් හි පැවැත්වීමට ඉල්ලීම් ඉදිරිපත් වෙමින් තිබෙන බව අප වෙත වාර්තා වේ. ඒ අනුව අගොස්තු 28 වන දින සවස මීගමුව රුක්මණීදේවී රංග ශාලාවේදී හා සැප්තැම්බර් 11 සවස මාතර නව තැපැල් කාර්යාල ශ‍්‍රවණාගාරයේදීත් තොරතුරු හෙලිකරුණු සම්මන්ත‍්‍රණ දෙකක් පැවැත්වීමට කටයුතු යොදා තිබේ.
Read More >> (2011-08-11)
උතුරු කළුතර පොලීසියේ දෙදෙනෙක් සිසුන් පහකට පහර දෙයි
මෙවර අපොස සාමාන්‍ය පෙළ විභාගයට පෙනී සිටිමට සුදානමින් සිටින පාසල් සිසුන් පස්දෙනෙකුට හා තවත් කිහිප දෙනෙකුට පහරදන් බව කියන් උතුරු කළුතර පොලීසියේ පොලිස් නිළධාරීන් දෙදෙනෙකු අධිකරණයට ඉදිරිපත් කරන ලෙස කළුතර ප‍්‍රධාන මහේස්ත‍්‍රාත් කණිෂ්ක විජේරත්න මහතා පෙරේදා(01) උතුරු කළුතර පොලීසියට නියෝග කලේය.
Read More >> (2011-08-05)
සිසුවෙකුට පහරදී ඔළුව පලයි
මාතර, පිටබැද්දර ප‍්‍රදේශයෙන් තවත් පහරදීමක් පසුගියදා නැවත වාර්තා විය. මෙවර පහර කෑමට ලක්ව ඇත්තේ පිටබැද්දර නවෝද්‍යා ජාතික පාසැලේ 8 වසරේ ඉගැනුම ලබන දහතුන් වයසැති ජනිත් චතුරංග නැමැති සිසුවාය. 2011 ජූලී 14 වන දින ජනිත් චතුරංගගේ පංති කාමරයේ ගුරු මේසයට දමා ඇති මේස රෙද්ද කිළිටි වී තිබීම ගැන දෝෂාරෝපනය කර ඇති අදාල ගුරුවරයා එම මේස රෙද්ද විසිකර දමන ලෙස දන්වා තිබේ. නමුත් එම මේස රෙද්ද පංතියේ ළමයින් මුදල් එකතුකර ගත් එකක් නිසා එය සෝදා පිරිසිදුකර නැවත පාවිච්චි කළ හැකි බැවින් ජනිත් චතුරංග ශිෂ්‍යයා එය ගෙදර ගෙන ගොස් සෝදා ගෙන එමට කැමැත්ත දක්වා තිබේ.
Read More >> (2011-07-26)
අගුලාන පොලිසියේ අත්අඩංගුවේ සිටි තරුණයන් දෙදෙනකු මරා දැමීමේ නඩුවේ තීන්දුව අගෝස්තු 25 වැනිදා
අඟුලාන පොලිසියේ අත්අඩංගුවට පත් තරුණයන් දෙදෙනෙකු පැහැරගෙන ගොස් මරා දැමු බවට එහි හිටපු ස්ථානධිපති ඇතුඵ නිලධාරින් සිවු දෙනෙකුට එරෙහිව පැවැති නඩුවේ තීන්දුව ලබන අගෝස්තු 25 වැනිදා ප‍්‍රකාශයට පත් කිරිමට නඩුව විභාග කරන ති‍්‍රපුද්ගල විනිසුරු මඩුල්ල තීරණය කළේය. පැමිණිල්ලේ හා විත්තියේ දේශණ අවසන් වීමත් සමග නඩු විභාගය අවසන් වීම නිසා තීන්දුව ප‍්‍රකාශයට පත් කීරීමට විනිසුරු මඩුල්ල තීරණය කලේය. මෙම සිද්ධිය විශේෂ අධිකරණ කටයුත්තක් ලෙස සලකමින් විශේෂ ත‍්‍රිපුද්ගල මහාධිකරණ විනිසුරු මඩුල්ලක් හමුවේ (Trial at bar) විභාග කිරීමට නියම කරන ලෙස නීතිපතිවරයා අග‍්‍රවිනිශ්චය කාරවරයාගෙන් කරන ලද ඉල්ලීමකට අනුමැතිය ලැබීම නිසා මෙම නඩුව විභාග කෙරේ.
Read More >> (2011-07-26)
Page 92 Of 99

<<
1
...
89
90
91
92
93
94
...
99
>>
www.right2lifelanka.org