More News
MORE NEWS
බන්ධනාගාර සිරකරුගේ මරණය සම්බන්ධ සාක්ෂි ලබා දුන්නොත් මරා දමන බවට තර්ජනය කරමින් අමානුෂික ලෙස පහර දෙයි.
2008-07-03 වන දින මීගමුව රක්ෂිත බන්ධනාගාරයේ සිටියදී බන්ධනාගාර නිලධාරින් ගේ පහර දීම නිසා මිය ගිය සෙයිනූල් මිස්වර් නැමැත්තා සම්බන්ධයෙන් සාක්ෂි ඉදිරිපත් කළ අවුරුදු 51 ක් වයසැති සෙයියදු මොහොමඞ් අබු උබෙයිදාට එම ඝාතනය සම්බන්ධයෙන් සාක්ෂි ලබා දුනහොත් වෙඩි තබා මරාදමන බවට තර්ජනය කරමින් අමානුෂික ලෙස පහර දී ඇත.
Read More >> (2008-08-21)
සිත්ති නසීරා හෘදයාභාධයකින් හදිසියේ මිය යයි
අනවසරයෙන් තමන්ගේ පාදයක් මීගමුව මුලික රෝහලේ ශල්‍ය වෛද්‍යවරුන් විසින් අහිමි කිරීමට එරෙහිව විශාල අරගලයක යෙදුනු, මීගමුව, මීරිගම පාරේ පදිංචි 43 හැවිරිදි පස්දරු මවක් වන සිත්ති නසීරා මහත්මිය පසුගිය 3 වන ඉරිදා හෘදයාභාධයකින් හදිසියේ මිය යන ලදී. 2005 වර්ෂයේ මාර්තු මස 01 වන දින තම පාදයේ තිබූ තුවාලය පිරිසිදු කිරීමට වෛද්‍ය උපදෙස් මත මීගමුව මූලික රෝහලට ගිය සිත්ති නසිරාගේ පාදය අනවසරයෙන් ඉවත් කළ බවට මීගමුව මූලික රෝහලේ ශල්‍යවෛද්‍ය ඒකකයේ වෛද්‍යවරු කිහිපදෙනෙකුට එරෙහිව ඇය විසින් කරන ලද පැමිණිල්ලෙන් පසුව නඩු පවරා තිබුනි.
Read More >> (2008-08-07)
මීගමුව බන්ධනාගාරයේ නිලධාරින්ගේ පහරදීම නිසාතවත් රැඳවුම්කරුවෙක් මියයයි.
93/10 මුස්ලිම් පල්ලිය පටුමග පෙරියමුල්ල පදිංචි සෙයිමුල් මිස්වර් නැමැත්තාව මීගමුව බන්ධනාගාරයේ දඬුවම් සිරකරුවෙකු ලෙස රඳවාගෙන සිටියදී බන්ධනාගාරයේ නිලධාරින් පිරිසක්විසින් අමානුෂික අයුරින් පහරදිම හේතු කොට ගෙන 2008 ජූලී මස 3 වන දින මිය ගොස් ඇත. සෙයිමුල් මිස්චර් නැමැත්තා මීගමුව මහධිකරණය විසින් ලිංගික අපචාර චෝදනාවක් සම්බන්ධයෙන් වරදකරු කර ලැබ සිරදඬුවම් විඳීමට නියම වූවෙකි. ඔහුව මීගමුව බන්ධනාගාරය තුළ රදවාගෙන සිටියදී නිළධාරින් පිරිසකගේ පහර දීම හේතුවෙන් අසාධ්‍යව 2008.07.03 වන දින මීගමුව මහරෝහලට ඇතුලත් කර ඇතත් රෝහලට ඇතුලත් කරන විටත් ඔහු මියගොස් තිබුනි.
Read More >> (2008-08-20)
ගම්පහ පොලිස් සිර මැදිරියේ දී ගෙළ වැළලාගන මිය ගිය 22 හැවිරිදි තරුණයාගේ මරණය සියදිවි නසා ගැනීමක් බව මහේස්ත‍්‍රාත් අධිකරණය තීන්දු කරයි
ගම්පහ පහලගම පදිංචි වයස අවුරුදු 22 වයසැති සූරින් කින්සන් නැමැති තරුණයාව 2008.04.07 වන දින ගම්පහ පොලීසිය විසින් අත්අඩංගුවට ගෙන දින 2 ක් පොලිස් සිර මැදිරියේ රඳවාගෙන සිටියදී ඊට දින 2 ට පසු එනම් 9 වන දින ඔහු පොලිස් සිර මැදිරිය තුළදී තම යට ඇඳුමෙන් එල්ලී සියදිවි හානී කරගෙන තිබේ. ඔහුගේ මිත්තණිය වන සුප්පයියා කවමනි කින්සන් පවසා සිටියේ සිය මුණුපුරාට ගෙල වැළලා මිය යෑමට තරම් හේතුවක් නොතිබූ බවයි. ඔහුගේ මෘත ශරීරයේ ඔ`ඵවේ, තට්ටම්වල සහ දකුණු අතේ තැලීම් සහ වම් පැත්තේ ඇහි බැමි වලට උඩින් තුවාල සිදුවී තිබුණ බවද මිත්තණිය පවසයි. ඒ බව අධිකරණ වෛද්‍යවරයා පවසා ඇත.
Read More >> (2008-08-08)
මාතර පිටබැද්දර පොලීසිය විසින් විසිතුන් හැවිරිදි තරුණයෙකුගේ ඇස්වලට ඇසිඞ් වත්කර අමානුෂිකව පහරදී බොරු නඩු පවරයි.
මාතර පිටබැද්දර පොලීසිය විසින් තරුණයන් දෙදෙනෙකුට බරපතල ලෙස පහරදී, ට‍්‍රක් රථ රියදුරෙකු ලවා එක් තරුණයෙකුට ඇසිඞ් ගැස්සවීම නිසා ඔහුගේ ඇසට බරපතල ලෙස තුවාල සිදුවීම මත මේ වන විට ඔහුගේ ඇස ප‍්‍රකෘර්ති තත්ත්වයට ගැනීම සදහා කොළඹ ඇස්වාට්ටුවේ දී ශල්‍යකර්ම කිහිපයක් සිදු කරමින් සිටින බව වාර්තා වේ.
Read More >> (2008-07-30)
14 හැවිරිදි පාසල් සිසුවෙකු දින 09 ක් පොලිස් අත්අඩංගුවේ
14 හැවිරිදි පාසල් සිසුවෙකු හා ඔහුගේ පියා අත්අඩංගුවට ගෙන දින 09 ක් පුරා කුරුණෑගල පොලිස් ස්ථානයේ රඳවා තබා ගනිමින් කෲර හා අමානුෂික ලෙස පහර දී පසුව අසත්‍යය නඩු පැවරීමක් සම්බන්ධව කුරුණෑගලින් වාර්තා වේ. කුරුණෑගල, හෙරලියාවල, පදිංචි 14 හැවිරිදි සංජය කල්හාර බාලගේ සහ බී. සුමේධ නැමැති ඔහුගේ පියා 2008 ජූලි මස 11 වන දින රාතී‍්‍ර 11.00 ට පමණ ඔවුන් පදිංචි නිවසට පැමිණි පොලිස් නිළධාරීන් පිරිසක් සංජයගේ පියාගේ අත් වලට මාංචු දමා, නිවසේ තිබූ බඩු මුට්ටු ඇද දාමා සියල්ල පරීක්ෂා කිරීමෙන් පසුව එක් නිලධාරියෙකු උදැල්ලක් ගෙන හදා අවසන්කර නැති ඔවුන්ගේ නිවසේ සාලය හා කාමරයේ තැනින් තැනද, මිදුලේ කිහිප තැනක්ද හාරා බලා කිසිවක් නොලැබුනු තැන රාතී‍්‍ර 11.30 ට පමණ සංජය කල්හාර හා ඔහුගේ පියා කුරුණෑගල පොලීසිය වෙත ඇස් බැද රැුගෙන ගොස් තිබේ.
Read More >> (2008-08-02)
පාසැල් සිසුන් සිව් දෙනෙකුට පහරදී බොරු නඩු පැවරීමට එරෙහිවසූරියවැව පොලීසියේ ස්ථානාධිපති ඇතුළු නිලධාරීන් කිහිප දෙනෙකුට එරෙහිව ශ්‍රේෂ්ඨාධිකරණයේ නඩු පැවරේ
සූරියවැව පොලීසියේ ස්ථානාධිපති සහ තවත් නිලධාරීන් පිරිසක් විසින් හම්බන්තොට මීගහඡුදුර මහා විද්‍යාලයේ 11 වසරේ ඉගෙනුම ලබන 16 හැවිරිදි පාසැල් සිසුන් සිව් දෙනෙකු සහ තවත් තරුණයෙකු අත්අඩංගුවට ගෙන පහරදී සොරකම්වලට සම්බන්ධ බවට බොරු චෝදනා නගමින් අසත්‍යය නඩු පැවරීමක් සම්බන්ධව 2008 පෙබරවාරි මාසයේදී වාර්තා විය. මෙම අසත්‍යය නඩු පැවරීමෙන් පසු එය විභාග කළ හම්බන්තොට මහේස්ත‍්‍රාත්වරයා මෙම සිසුන් සිව් දෙනාටම මුදල් ඇප සහ ශරීර ඇප නියම කර ඇති අතර දඩමුදල් ගෙවා ගැනීමට නොහැකිව සිසුන් දෙදෙනෙකු බන්ධනාගාර ගත කර තිබුනු අතර, ඔවුන් රඳවා තබා ඇත්තේද වැඩිහිටි සිරකරුවන් රදවා තැබෙන සිර මැදිරි තුළ බවට වාර්තා විය
Read More >> (2008-08-03)
ගාල්ල මහ නගර සභා රියදුරුගේ මරණයට වගකිව යුත්තේ කවුරුන් ද?
තමා නොකළ වරදකට මාසික චේතනය අහිමි විමෙන් ලත් මානසික පීඩනය හේතු කොට ගෙන ගාල්ල නගරසභාවේ අවුරුදු 30 ක කාලයක් සේවය කළ සේවකයෙක් සිය දිවි නසාගෙන ඇත. ඔහු ගාල්ල කිතුලම්පිට්ය පැණිදෙනිය වත්තේ පදිංචි හතළිස් හතර හැවිරිදි බෙන්තොට සේනක මායාදුන්නේ ය. ඔහු එක් දරු පියෙකි. මායාදුන්න මහතාගේ මරණ පරික්ෂණය මෙහෙය වු හදිස්සි මරණ පරික්ෂක එම්.එල් බොරලැස්ස මහතා සිය මරණ පරික්ෂණ වාර්ථාවේ සඳහන්කර ඇත්තේ මු`ථ වැටුපම එකවර අයකර ගැනීම හේතුවෙන් ඇති වු මානසික පීඩනය නිසා මායාදුන්න මහතාගේ මරණය සිදුව ඇති බවයි. මායාදුන්න මහතාගේ බිරිඳ කංකානම්ගේ වයලට් ගුරුසිංහ ය. ඇයගේ එකම දුව බිනුකි මායාදුන්නය. ඇය කිතුලම්පිටිය මහා විද්‍යලයේ හතර වසරේ ඉගනුම ලබයි. සේනක මායාදුන්න මහතා ගාල්ල මහා නගර සභාවේ රියදුරෙකු ලෙස අවුරුදු තිහකට අධික කාලයක් සේවය කළ අවංක සේවකයෙකි. සේනක මායාදුන්න මහතා රියදුරකු වශයෙන් කටයුතු කළ බැකෝ යන්ත‍්‍රයේ ඉදිරිපස කුල්ල මීට මාස කිහිපයකට ඉහත දී බැකෝ යන්ත‍්‍රය නගර සභා භූමීයේ නතරකර තිබීය දී අස්ථාන ගත වී තිබිණ. බැකො යන්ත‍්‍රයේ උපාංගයක් නැතිවීම සම්බන්ධව මායාදුන්න මහතාට සහ මහා නගර සහාවේ ප‍්‍රධාන ආරක්ෂක නියාමක ඇතුථ ආරක්ෂක නිලධාරින් පස් දෙනෙකුට නගර සභාවේ නිලධාරින් විසින් චෝදනා එල්ල කොට ඇත.
Read More >> (2008-07-28)
සුගත් නිශාන්තට දිගින් දිගටම මරණ තර්ජන
අල්ලස් ගනිමින් සිටියදී කොච්චිකඬේ පොලීසියේ පොලීස් පරීක්ෂක වරයෙකු අල්ලස් හා දුෂණ විමර්ෂණ කොමිෂන් සභාවට අල්ලා දීමත්, එ් අනුව ඉහත නිළධාරියාට එරෙහිව අල්ලස් හා දුෂණ විමර්ෂණ කොමිෂන් සභාව විසින් නඩු පැවරීමත් ඔහුගේ වැඩ තහනමට ලක්වී තිබීමත් මත සුගත් නිශාන්තට මීගමුව පොලීසියේ විවිධ නිළධාරීන්ගේ බලපෑම් දිගින් දිගටම එල්ල විය.
Read More >> (2008-07-28)
පොලීසිය විසින් අත්අඩංගුවට ගෙන ඇත්තේ සෑබැ ඝාතකයා ද ?
පසුගිය ජුනි 07 වන දින මීගමුව, කුඩාපාඩුව පදිංචිව සිටි දෙළොස් හැවිරිදි විනෝදනී සිල්වා නැමැති පාසැල් ශිෂ්‍යයාව ඇය පදිංචි නිවසේ කුස්සියේ බාල්කයක එල්ලා මරා දමා තිබුණි. මෙමදැරියගේ මරණ පර්යේෂණය සිදුකළ මීගමුව මූලික රෝහලේ අධිකරණ වෛද්‍ය චන්න පෙරේරා මහතා සිය වාර්ථාව මගින් මෙම දැරිය ගෙල සිරකර මරා දැමීමෙන් පසුව එල්ලා ඇති බවත්, ඇය මාස හයකට පමණ පෙර සිට බරපතල ලෙස ලිංගික අපයෝජනයට ලක්ව ඇති බවත්, මරා දමන දින ලිංගික අපයෝජනයක් සිදුවී නැති බවත් සිය වාර්තාව මගින් ඉදිරිපත් කරන ලදී. එමෙන්ම අධිකරණ වෛද්‍යවරයා විසින් ඇයගේ ශරීරයේ කොටස් කිහිපයක් වැඩි දුර පරීක්ෂණ සදහා යොමුකර තිබුණි.
Read More >> (2008-06-20)
මීගමුව රෝහලේ වෛද්‍යවරයාගේ නොසැලකිලිමත්කමට එක් දරු මවක් තම ජීවිතයෙන් වන්දි ගෙවයි
රජයේ වත්ත, මරඳගහමුල පදිංචි වික‍්‍රමසුරිය ආරච්චිලාගේ නීලනි මල්ලිකා දෙවන දරුප‍්‍රසූතියට මීගමුව රෝහලට ඇතුල් කළ පසු 10 වන වාට්ටුව භාර නාරි හා ප‍්‍රසව වෛද්‍යයවරු ඇතු`ඵ කාර්්‍යය මණ්ඩලයේ නොසැලකිලිමත් භාවය නිසා මිය ගොස් ඇත. නිලානි මල්ලිකා දෙවන දරු ප‍්‍රසූතියට පෙර සාමාන්‍යය පරිදි මාසිකව මීගමුව නාරි හා ප‍්‍රසව සායනයට සහභාගී විය. එහිදී මල්ලිකා පරීක්ෂා කළ වෛද්‍යවරුන්ගේ මතය වි ඇත්තේ දෙවැනි දරු ප‍්‍රසුතිය සාමාන්‍ය පරිදි සිදුවිය හැකි බව හා දරුවා හා මව නිරෝගීව පසුවන බවය. සාමාන්‍ය පරිදි දරුවා ලැබීමට දින දී ලැබි ඇත්තේ 03.03.2008 වන දිනය . නමුත්, එදින කිසිදු අපහසුවක් නොතිබු නිසා මාර්තු මස 4 වන දින සාමාන්‍ය පරිදි මල්ලිකා මීගමුව රෝහලේ ප‍්‍රසව හා නාරිවෙද්‍ය අංශයට ඇතුළත් කර ඇති අතර දරු ප‍්‍රසූතිය සදහා 10 වන වාට්ටුවට ඇතුළත් කර ඇත. නමුත් මාර්තු 4 වන දින සිට මාර්තු 11 වන දින දක්වා ඇය කිසිදු අපහසුවකින් තොරව නේවාසිකව ප‍්‍රතිකාර ලබා ගෙන ඇත. මාර්තු 11 වන දින අලූයම 5 ට පමණ දරු ප‍්‍රසූතිය ඉක්මන් කිරීම සඳහා දෙනු ලබන ‘‘සින්ටෝ’’ නමින් හැඳින්වෙන ඖෂධ වර්ගය ඇයට ලබා දී දරු ප‍්‍රසූතිය සදහා සූතිකාගාරය යවා ඇත. නමුත් නැවතත්එදින සවස 6.00 පමණ සුතිකාගාරයේ සිට මල්ලිකාව 10 වන වාට්ටුව වෙත ගෙනවිත්, නැවතත් සවස 7.00 ට පමණ දරුවා සාමාන්‍යය පරිදි නොලැබුනු නිසා සිසේරියන් සැත්කමකට භාජනය කිරීම සඳහා ශෛල්‍යාගාරයට ගෙන ගොස් ඇත.
Read More >> (2008-06-19)
දෙණියාය පොලිසියේ නිලධාරියෙකු පහර දීම නිසා සිත් තැවුලට පත් පාසැල් සිසුවා පෙනඩෝල් බී සියදිවි නසා ගැනීමට උත්සහා දරයි
ජංගමදුරකථනයක් සොරා ගත්තේ යැයි බොරු චෝදනාවක් මත දෙණියාය පොලිසියේ සේවයේ නියුතු උප පොලිස් පරීක්ෂක විමලකීර්ති මහතාගේ පහර දිම නිසා දැඩි සිත් තැවුලට පත් 14 හැවිරිදි පාසැල් සිසුවා තම මවගෙන් මුදල් ඉල්ලාගෙන පෙනඩෝල් කාඞ් දෙකක පෙති බී තට්ටු ගොඩනැගිල්ලකින් බිමට පැන සියදිවි නසා ගැනීමට උත්සහා දරා ඇත. 260/බී, ජඹුරගොඩහේන, ළිදගාවහේන, කොටපොල පදිංචි හල්ගහපොල ගමගේ ඉන්ද්‍රනි අවුරුදු 30 ක දෙදරු මවකි. ඇයගේ වැඩිමහල් පුත් හොරගොල ගමගේ ජනක ප‍්‍රදීප් කුමාර වයස අවුරුදු 14 ක පාසැල් සිසුවෙකි. 2008 අපේ‍්‍රල් 28 වන දින උදේ 11.30 ට පමණ දෙනියාය පොලීසියේ උප පොලිස් පරීක්ෂක විමලකීර්ති මහතා ඉන්ද්‍රනිගේ නිවසට පැමිණ හොරගොල ගමගේ ජනක ප‍්‍රදීප් කුමාර වන ඇගේ වැඩිමහල් පුතා ගැන උපුල් නිෂාන්ත නැමැති ඇගේ මල්ලීගෙන් විමසා තිබේ.ඒ මොහොතේ ඉන්ද්‍රනිද, ජනක ප‍්‍රදීප් කුමාර දරුවා ද. නිවසේ නොසිටි බැවින් එදින සවස ජනක ප‍්‍රදිප් කුමාර ජංගම දුරකතනයක් නැතිවීම සම්බන්ධව සාක්ෂියක් ලබාදීම සදහා දෙනියාය පොලීසිය වෙත ගෙන එන ලෙස දන්වා කුඩා තුන්ඩු කැබැල්ලක් ලබා දී ගොස් තිබුනි. ඒ අනුව එදින සවස 3.00 ට පමණ ඇගේ ස්වාමිපුරුෂයා වන හොරගලගමගේ සුමිත් චන්ද්‍රකුමාර සහ ඇගේ වැඩිමහල්පුතු සමග දෙනියාය පොලීසිය වෙත ගොස් තිබේ.
Read More >> (2008-05-07)
කතරගමදී පාසැල් සිසුවෙකු පැහැරගනී.
කතරගම, ගෝතමී ගම, අංක 108 ලිපිනයේ, පදිංචි 18 හැවිරිදි පාසැල් සිසුවෙකු වූ කදිරවේළු සත්‍යවාන් පසුගිය මැයි 01 වන දා සිට අතුරුදහන්ව තිබේ. කතරගම ජනාධිපති විදුහලේ සිසුවෙකු වූ සත්‍යවාන් පසුගිය මැයි 01 වන දින තම හිතවතෙකුගේ මළගෙදරක ගොස් සිටිය දී එම මළගෙදරට සුදුපාට වෑන් එකකින් හා රතුපාට යතුරු පැදියකින් පැමිණි පිරිසක් විසින් පැහැරගෙ ගොස් ඇත. සත්‍යවාන් රැගෙන යනු මළගෙදර සිටි ඔහුගේ යහළුවන් කිහිප දෙනෙකු දැක තිබේ. මෙසේ ඔහු පැහැරගෙන යාමට පෙර, මාස කිහිපයක් තිස්සේ ඔහු පදිංචි නිවසට බුද්ධි අංශයෙන් යැයි කියාගත් පිරිස් නිතරම පැමිණ, විවිධ විස්තර අසමින් ඔවුන් අපහසුතාවයන්ට පත්කළ බවත්, එසේ මාසයකට හතර පස් වතාව බැගින් එම නිලධාරින් තම නිවසට පැමිණි බවත්, අවසන් වරට එසේ තම නිවසට පැමිණියේ පසුගිය අපේ‍්‍රල් 10 වෙනිදා බවත්, එදින රතුපාට යතුරු පැදියකින් පැමිණි නිලධාරීන් දෙදෙනෙකු විවිධ ප‍්‍රශ්ණ අසමින් සිට පසුව සත්‍යවාන්ගේ ජංගම දුරකතනයේ අංකය ලබා ගෙන නිවසින් පිටව ගිය බවත්, ඔහු ගේ පියා අප වෙත පවසා සිටින ලදී. දිනක් එසේ පැමිණි නිලධාරීන් දිගින් දිගටම ප‍්‍රශ්ණ කරමින් සිටියදී සත්‍යවාන් විසින් ‘‘සර්ල කරන වැඩෙන් වෙන්නෙ නිකන් ඉන්න මිනිස්සුත් එල්.ටී.ටී.ඊ වෙන එක’’ යැයි පවසා තිබේ. මෙම ප‍්‍රකාශය නිසා සත්‍යවාන් පැහැරගෙන ගිය බවට ඔහුගේ දෙමාපියන් සැක කරයි.
Read More >> (2008-05-14)
මාධ්‍ය හා මාධ්‍යවෙදීන් මර්ධනය හෙලා දකිමු
2006 වසරේ නොවැම්බර් මස මව්බිම මාධ්‍යවේදිනී පරමේෂ්වරී මුන්නිසාමිද ඉන්පසු එහි මූල්‍යය කළමණාකරු දුෂ්්‍යන්ත බස්නායකද ත‍්‍රස්ත විමර්ෂන එකකය මඟින් අත්අඩංගුවට ගත් අතර පසුව බොහෝ පිරිසකගේ අඛණ්ඩ විරෝධතාවයන් හමුවේ ඔවුන්ව නිදහස් කළහ. නමුත් ඔවුන් දායක වී සිටි මව්බිම පුවත්පතට මේ වන විටත් වාරණයක් ඇති අතර මානව හිමිකම් සුරැකීම වෙනුවෙන්ම හඬනඟන සඟරාවක් වන අප තරයේ එය හෙළා දකින අතරම, ඉහත මාධ්‍යවේදීන් අත්අඩංගුවට ගැනීම මව්බිම නැවතීමේ ප‍්‍රථම පියවරක් ලෙස අපි සළකමු. රජය විසින් උතුරු නැගෙනහිර හා දකුණෙත් සිදුකළ මානව හිමිකම් කඩවීම් එකළ දකුණේ සමාජයට ප‍්‍රකාශකළ ප‍්‍රධානම මුද්‍රිත මාධ්‍ය වූයේ මව්බිමයි.
Read More >> (2008-03-08)
පුත්තලමේ දී අතුරුදහන් වූ ෆායිස් මාස 03 කට පසුව CID එකෙන් හමුවේ
පුත්තලම, කරතිව් හි පදිංචිව සිටි 48 හැවිරිදි දෙදරු පියෙකු වන පිච්චයිතම්බි මරික්කාර් ෆායිස් පසුගිය පෙබරවාරි 28 දින අංක රහිත සුදු වෑන්රථයකින් පැමිණි සන්නද්ධ පිරිසක් විසින් පැහැරගෙන ගොස් තිබුනි. මෙම පැහැරගෙන යාම සම්බන්ධව පැමිණිලි කිරීමට පසුදින වනාතවිල්ලූව පොලිසියට ගිය විට වනාතවිල්ලූව පොලීසිය තුළ දී ඔහු පැහැරගෙන ගිය වෑන් රථයත්, එම රථය තුළ ෆායිස් සිටිනුත් ඔහුගේඥතීන් විසින් දැක තිබේ. නමුත්ඒ සම්බන්ධව කළ පැමිණිල්ල වනාතවිල්ලූව පොලීසිය විසින් භාරගෙන නොමැති අතර, පැමිණිලි කිරීමට පැමිණි තැනැත්තා තර්ජනය කර එලවාගෙන තිබේ.
Read More >> (2008-05-08)
ගම්පහ පොලීසිය 22 හැවිරිදි තරුණයෙකු එල්ලා මරයි
ගම්පහ, පහලගම පදිංචි සුරින් කින්සන් නැමැති 22 දෙහැවිරිදි තරුණයෙකු ගම්පහ පොලිස් සිරමැදිරියේ පසුගිය අපේ‍්‍රල් 07 වන දින මිය ගොස් තිබුනි. ඔහුගේ මරණය සම්බන්ධව ගම්පහ පොලිසිය මාධ්‍ය වෙත ප‍්‍රකාශකර තිබුනේ සැකපිට අත්අඩංගුවට ගෙන නිදහස් කර පසුව නැවතත් සැකසිතී අත්අඩංගුවට ගෙන රදවා තබා ගැනීමේ දී තමන් හැද සිටි යට ඇදුමෙන් තම ගෙල සිරකරගෙන මිය ගොස් ඇති බවයි. කම්කරුවෙකු වන 22 හැවිරිදි සුරින් කින්සන් ගම්පහ පොලීසිය විසින් 2008 අපේ‍්‍රල් 04 වන දින තම යහළුවෙකුගේ නිවසේ සිට පැමිණෙමින් සිටියදී අත්අඩංගුවට ගෙන තිබේ. ඔහුගේ මිත්තනිය තම නීතිඥවරිය සමග ගොස් ඔහු අත්අඩංගුවට ගත්තේ මන්දැයි ගම්පහ පොලීසියෙන් විමසු විට ගම්පහ පොලීසියේ අපරාධ අංශයේ ප‍්‍රධානියා කියා ඇත්තේ සොරකමක් සම්බන්ධව සැක පිට අත්අඩංගුවට ගත් බවත් කට උත්තරයක් ගෙන නිදහස් කරන බවත් කියා තිබේ.
Read More >> (2008-08-02)
මානව හිමිකම් ආරක්ෂා කිරීම පිණිස වන පුරවැසි කි‍්‍රයාකාරීත්වය ශක්තිමත් කිරීමට එක්වෙමු
මානව නිදහස සහ අයිතිවාසිකම් වලට ගරු කිරීමටත්, ඒවා ආරක්ෂා කිරීමටත් වැඩි දුයුණු කිරීමටත් ජාතික හා ජාත්‍යන්තර සම්මුතීන් මඟින් බැඳී සිටින රාජ්‍ය තම වගකීම් නිසි ලෙස ඉටුකිරීමට අපොහොසත්ව සිටින තත්ත්වයක් තුළ ශී‍්‍ර ලංකාවේ මහජනයාගේ මානව ආරක්ෂාව බරපතල තර්ජනයකට ලක්ව තිබේ.
Read More >> (2008-03-19)
පුත්තලමේ දී දෙදරු පියෙක් සුදු වෑන් රථයකින් පැහැරගෙන යයි
පොල්පරප්පි, කරතිව්, පුත්තලම යන ලිපිනයේ පදිංචි 48 හැවිරිද දෙදරු පියෙකු වන පිච්චයි තම්බි මරික්කාර් ෆායිස් පසුගිය පෙබරවාරි 28 රාතී‍්‍ර 11.30 ට පමණ නිවසේ සිටිය දී අංක රහිත සුදු වෑන්රථයකින් පැමිනි සන්නද්ධ පිරිසක් විසින් පැහැරගෙන ගොස් තිබේ. තම ස්වාමිපුරුෂායගේ අතුරුදහන්වීම සම්බන්ධව ඔහුගේ බිරිද අප සමග කියා සිටියේ ‘‘පෙබරවාරි 28, රාත‍්‍රී 11.30 ට පමණ අප සියළු දෙනා නිවසේ නිදාගෙන සිටියදී මාගේ ස්වාමි පුරුෂයාගේ නම කියා එලියෙන් කිහිපදෙනෙක් කථා කරනු මට ඇසුනා. ඉන්පසු මම කවුද කියා ඇසූ විට ‘‘අපි පොලිසියෙන් දොරඅරින්න’’ කියා මම දොර අරිනවාත් සමඟම සිවිල් ඇඳුමින් සිටි එක් පුද්ගලයෙක් සහ නිල ඇඳුමින් සිටිපොලිස් නිලධාරීන් දෙදෙනෙක් ගේතුළට බලහත්කාරයෙන් ඇතුළු වුණා.
Read More >> (2008-03-11)
දෙල්ගොඩ පංච පුද්ගල ඝාතනයේ පොලිස් වෙඩි පහරින් මිය ගිය සැකකරුවන් වෙනුවෙන් රුපියල් ලක්ෂ 50 ක් ඉල්ලා නඩු පවරයි
පසුගිය මැයි මාසයේ දෙල්ගොඩ ප‍්‍රදේශයේ එකම පවුලක පස් දෙනෙකු කෲර ලෙස ඝාතනය කර 11 හැවිරිදි දැරියකට මාරාන්තික තුවාල සිදු කිරීම සම්බන්ධව අත්අඩංගුවට ගැණුනු එදිරිසිංහ ආරච්චිගේ අමරදාස හා එදිරිසිංහ ආරච්චිගේ උපසේන නැමැති කදබොඩ. දෙල්ගොඩ පදිංචි සොයුරන් දෙදෙනා මීගහවත්ත පොලීසිය විසින් වෙඩි තබා ඝාතනය කිරීමට එරෙහිව පොලිස් වෙඩි තැබීමෙන් මිය ගිය අයගේ බිරින්දෑවරු රුපියල් ලක්ෂ 50 ක වන්දි ඉල්ලා මීගහවත්ත පොලීසියේ වෙඩි තැබීමට සම්බන්ධ නිලධාරීන්ට එරෙහිව නඩු පවරයි.
Read More >> (2008-03-11)
මීගමුව රෝහලේ වෛද්‍යවරයාට එරෙහිව සාක්‍ෂි දුන් කාන්තාවට යළි රැකියාව ලැබේ
මීගමුව රෝහලේ දී චමිලා දිසානායක නැමැති ඇඟ`ඵම් සේවිකාව 6 වැනි මහලෙන් බිමට තල්ලූකර මරා දැමු බව කියන සිද්ධියෙන් පසුව මෙම ඝාතනය සම්බන්ධව අත්අඩංගුවට ගෙන තිබෙන වෛද්‍යවරයා හදුනාගත් එල්.එම්.බියටි‍්‍රස් නැමැති රෝහල් සේවිකාව පසුගියදා විවිධ හේතු දක්වමින් රෝහල් අධිකාරිය විසින් ස්වයෙන් ඉවත් කරනු ලැබීය. එ සම්බන්ධව අප සංවිධානය කම්කරු කොමසාරිස්ට පැමිණිලි කිරීමෙන් පසුව කම්කරු කොමසාරිස්ගේ මැදිහත්වීම මත ඇයට නැවත රැකියාව ලබා ගැනීමට හැකි විය.
Read More >> (2008-03-12)
කතරගම ප‍්‍රාදේශීය ලේකම් කාර්යාලයේ නිලධාරියෙක් බීමතින් පැමිණ දෙදරු මවකගේ අතක් කඩයි
කතරගම, ගම්උදාවේ නිවාස සංවර්ධන අධිකාරියේ නිවාසයන් හි පදිංචි 34 හැවිරිදි දෙදරු මවක් වන එදිරිවීර ජයසේකර කුරුදු පටබැදිගේ තනුජා ලක්ෂ්මි මහත්මියගේ දකුණු අත පසුගිය 03 වන දා (2008.02.03) උදළු මිටකින් ගසා කතරගම ප‍්‍රාදේශීය ලේකම් කාර්යාලයේ පරිගණක සටහන්කරුවෙකු වන රසික එන්. මුතුමාල විසින් කඩා දමා තිබේ. මෙම පහර කෑ තැනැත්තියගේ ස්වාමිපුරුෂයා නිවාස සංවර්ධන අධිකාරියේ අම්පාර ශාඛාවේ සේවය කරනු ලබන අතර, ඔහු සේවයට ගොස් සිටියදී නිවසේ දරුවන් දෙදෙනා සමග තනිවම සිටින අවස්ථාවකදී මෙම තැනැත්තා බීමතින් පැමිණ ඇයගේ ස්වාමිපුරුෂයා ගැන අසමින් ඇයගේ විරෝධතාවයද නොසලකා බලහත්කාරයෙන් නිවසට පැමිණ ඇය සමග පොරබදා ඇය ඇද සිටි ඇදුම් ඉරා දමා ඇයව පාලනය කිරීමට නොහැකි තැන අසල තිබු උදැල්ලක මිටකින් මෙම තැනැත්තා ඇයට මෙසේ පහර දී ඇත. එම අවස්ථාවේ ඇයගේ අවුරුදු 1 1/2 ක් වන කිරිබොන දරුවා ද තම ඇකයේ සිට තිබේ.
Read More >> (2008-02-28)
Page 94 Of 95

<<
1
...
91
92
93
94
95
>>
www.right2lifelanka.org