වැටුප් කප්පාදුවට එරෙහිව වතුකරයේ වැඩ වර්ජන!

 - November 23rd, 2021 - 

සිය  දෛනික  මුලික වැටුප කප්පාදු කිරීමට වතු පාලනාධිකාරිය ක්‍රියාකරන බවට චෝදනා කරමින්  දහසකට අධික කඳුකර වතු කම්කරුවන් සමූහයක්  එක්දින වැඩ වර්ජනයක් දියත් කර තිබේ.

නොවැම්බර් 23  වැනි අඟහරුවාදා   ක්‍රියාත්මක කළ වැඩ වර්ජනය සදහා එක්දහස් පන්සීයකට අධික වතු කම්කරුවන් පිරිසක් සහාය පළ කළ බවයි. ඔවුන්ගෙන් බහුතරය කාන්තාවන්ය.

නුවර එළිය, ආගරපතන,  ඇල්බියන් වත්ත, බ්‍රස්ටන්, සින්න නාගවත්ත, නිව් බ්‍රස්ටන් ආදී වතුවල තේ දළු නෙලන කම්කරුවන් අද දිනයේ සේවා ස්ථිනයට වාර්තා කර සිය රාජකාරිය ඉටු නොකරමින් වැඩ වර්ජනය දියත් කර තිබේ.

එයට සමගාමීව සින්න නාගවත්ත වතු කම්කරුවන් විසින් විරෝධතාවයක්ද දියත් කළ බව පළාත් බද මාධ්‍යවේදීන් පවසයි.

උද්ඝෝෂණයන් පෙන්වා දී ඇත්තේ වතු කම්කරුවන්ගේ දිනක මුලික වැටුප රුපියල් දහසක්  ලෙස පඩිපාලක සභාව මගින් නියම කොට එය ගැසට් නිවේදනයක් මගින් ප්‍රකාශයට පත් කර ඇතත් වතු සමාගම් විසින් විවිධ අසාධාරණ කොන්දේසි පනවමින් මූලික වැටුප රුපියල් දහස  කප්පාදු කිරීමට කටයුතු කරන බවයි.

රුපියල් දහසක දෛනික මුලික වැටුපක් ගෙවීමටනම් එක් කම්කරුවෙක් දිනකට අවම වශයෙන් තේ දළු කිලෝ 20 ක් කැඩිය යුතු බවට වතු කළමනාකරුවන් විසින් කොන්දේසි පනවා ඇති බව පෙන්වා දෙන ඔවුන් එහිදී වැඩි දුරටත් පවසා තිබුනේ නොඑසේනම් දිනකට නෙලන තේ දළු ප්‍රමාණය අනුව වැටුප් ගෙවන බවට වතු කළමනාකරුවන් විසින් දන්වා ඇති බවයි.

මේ වන විට රටේ පවතින දැරිය නොහැකි මට්ටමේ ජීවන වියදම හේතුවෙන් වැටුප් කප්පාදු කිරීම හරහා තමන් දැඩි අසරණතාවයකට මුහුණ පා සිටින බව ඔහුන් වැඩි දුරටත් පෙන්වා දී තිබේ.

තේ වගාවට අවශ්‍ය පොහොර නිසි වේලාවට නොලැබීමත්, එහි හිමිකරුවන් විසින් වගාව නියමාකාර ලෙස කළමනාකරණය නොකිරීමත් නිසා දිනකට එක් කම්කරුවෙක්ට තේ දළු කිලෝ 20 ක් කිසිසේත්ම නෙළිය නොහැකි බව ඔවුන් වැඩි දුරටත් පෙන්වා දී ඇත.

රුපියල් දහස දක්වා ඉහළ දැමු වතු කම්කරුවන්ගේ දෛනික වැටුප වතු හාම්පුතුන් විසින් කප්පාදු කරන  බවට දිගින්  දිගටම වතුකරයෙන්  චෝදනා එල්ල වෙමින් පවති.

වතු කම්කරුවන්ගේ දිනක මුලික වැටුප රුපියල් දහසක්  ලෙස පඩිපාලක සභාව මගින් නියම කොට එය ගැසට් නිවේදනයක් මගින් ප්‍රකාශයට පත් කර ඇතත්   වතු සමාගම් විසින් විවිධ අසාධාරණ කොන්දේසි පනවමින් මූලික වැටුප රුපියල් දහස  කප්පාදු කිරීමට විරෝධය දක්වමින් පසුගිය මාස  කිහිපය තුලදී වතු කරයේ විරෝධතා රැසක්  දියත්  කර තිබුනි.

Advertisement

Videos

Featured Video Play Icon

මැයි 09 පොලීසිය බැරියර් ඉවත්කර ඒ අයට එන්න ඉඩ දුන්නා | Senaka Perera | may 9

Featured Video Play Icon

NGO කියන්නේ ආණ්ඩු හතුරෙක්ද? | Dr. Jehan Perera | ඩොලර් කාක්කෝ

Facebook Page

English English Sinhala Sinhala Tamil Tamil